ءوز كەزەگىندە الماتى قالاسىنىڭ اكىمىنىڭ ورىنباسارى ەرجان باباقۇماروۆ مودۋلدىك قۇرىلىستىڭ بارىسىمەن تانىسىپ, قورىمدار جونىندە كەڭەس قۇرۋ باستاماسىن كوتەردى.
الدىمەن وقىرمانعا تۇسىنىكتى بولۋى ءۇشىن, بيىل جىلدىڭ 3 ساۋىردە پرەزيدەنت جانىنداعى توتەنشە جاعدايدى قامتاماسىز ەتۋ جونىندەگى مەملەكەتتىك كوميسسيا كوروناۆيرۋستىڭ تارالۋىنا قارسى كۇرەس شارالارىن جۇزەگە اسىرۋ اياسىندا الماتى قالاسىنىڭ اۋماعىندا گوسپيتال سالۋ تۋرالى شەشىم قابىلداعانىن ەسكە سالا كەتۋ كەرەك.
الماتى قالاسى اكىمىنىڭ ورىنباسارى ەرجان باباقۇماروۆ سوVID-2019-عا كۇدىكتى جانە ولارمەن قاتىناستا بولعان ادامدارعا ارنالعان جاڭا مودۋلدىك اۋرۋحانانىڭ قۇرىلىس الاڭىندا بولىپ, مەديتسينالىق ۇيىمنىڭ جوسپارىمەن ەگجەي-تەگجەيلى تانىستى.
مەديتسينالىق ۇيىم اۋماعىندا كوروناۆيرۋستىق ينفەكتسيامەن اۋىراتىن ناۋقاستاردى وقشاۋلاۋ جانە ەمدەۋ ءۇشىن 280 ورىن اشىلادى, سونىڭ ىشىندە قارقىندى تەراپيا بولىمشەسى جۇمىس ىستەيتىن بولادى.
اۋرۋحانادا قىزمەتكەرلەرگە ارنايى «تازا» ايماقتار بەلگىلەنگەن, بولاشاق ينفەكتسيالىق پالاتالاردا بولەك جەلدەتۋ جۇيەسى قاراستىرىلاتىن بولادى.
قازىرگى تاڭدا دەنساۋلىق ساقتاۋ باسقارماسىمەن قاجەتتى مەديتسينالىق جابدىقتارمەن جاراقتاندىرۋ ماسەلەسى قاراستىرىلۋدا. مەديتسينالىق قىزمەتكەرلەردى جابدىقتاۋ بويىنشا جۇمىستار جۇرگىزىلىپ وتىر. جوسپار بويىنشا شتات شامامەن 280 دارىگەر مەن مەديتسينا قىزمەتكەرلەرىنەن قۇرالادى.
ساپار بارىسىندا قۇرىلىس جۇمىستارىنىڭ تاريحي عيماراتتار مەن ارحەولوگيالىق قۇندىلىقتاردىڭ ساقتالۋىن قامتاماسىز ەتۋ نورمالارىنىڭ ساقتالۋىنا اسا نازار اۋدارىلدى.
الماتى قالاسى قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ سالىنىپ جاتقان گوسپيتال جاقىن ورنالاسقان قورعان كەشەنىنە اسەر ەتپەيتىنىن باياندادى.
«قورعان كەشەنى تاريحي-مادەني قوردىڭ باس جوسپارىنا سايكەس قورعالۋدا. اۋرۋحانادان قورعاندارعا دەيىنگى قاشىقتىق 150 مەتردەن اسادى. قورعانداردىڭ كۇزەت ايماعى 50 مەتردى قۇرايدى. بارلىق ەرەجەلەر ساقتالۋدا», - دەيدى ۋاقىتشا قۇرىلىستىڭ جەڭىل قۇرىلىمدارى جايلى الماتى قالاسىنىڭ باس ساۋلەتشىسى.
قالالىق مادەنيەت باسقارماسىنىڭ مالىمەتتەرىنە سايكەس, قۇرىلىس جۇمىستارى باستالار الدىندا الماتى قورعاندارىنىڭ اينالاسىنداعى قورعاۋ ايماقتارى ەسكەرىلدى. سالىنىپ جاتقان مودۋلدىك قۇرىلىم قورعاننىڭ قورعاۋ ايماعىنان 50 مەتر قاشىقتىققا سوزىلىپ, وعان ەشقانداي زاقىم كەلتىرىلمەگەن. قورعان ءوز اۋماعىنان مودۋلدىك قۇرىلىمعا دەيىن 170 مەتر قاشىقتىقتا, قورعانىس ايماعىنان 50 مەتر قاشىقتىقتا ورنالاسقان.
ءوز كەزەگىندە ءا.ح.مارعۇلان اتىنداعى ارحەولوگيا ينستيتۋتىنىڭ باس عىلىمي قىزمەتكەرى ارناباي نۇرجانوۆ جۇرگىزىلگەن ساراپتامالىق تالداۋدىڭ قورىتىندىسى تۋرالى حابارلادى.
ء«بىز قۇرىلىس جوسپارىمەن تانىستىق. اۋرۋحانا اۋماعى تولىعىمەن قورشالادى. قورعانعا دەيىنگى شەكارالىق ايماق 150 مەتر قاشىقتىقتا ورنالاسقان. قورعانداردىڭ كۇزەت ايماعى بولەك بولادى. ايتا كەتۋ كەرەك, اۋرۋحانا قۇرىلىسى قورعاندارعا ەشقانداي قاۋىپ توندىرمەيدى», - دەدى ارناباي نۇرجانوۆ.
ماسەلەنى شەشۋ جانە قۇرىلىس الاڭىن باقىلاۋ بارىسىندا الماتى قالاسى اكىمىنىڭ ورىنباسارى ەرجان باباقۇماروۆپەن قورعان كەشەنىنىڭ رەكرەاتسيالىق جوسپارى جاساۋ قاجەتتىلىگى العا تارتىلدى. سونىمەن قاتار الماتى اۋماعىندا ورنالاسقان قورعاندىق كەشەندەردى ودان ءارى دامىتۋ كەڭەسىن قۇرۋ ۇسىنىلدى. ونىڭ قۇرامىنا ارحەولوگتار مەن تاريحشىلار قاتارىنان ساراپشىلار كىرەتىن بولادى.
