«اتامەكەن» ۇكپ ونلاين-الاڭىندا باعدارلاما جانە قۇرىلىس سالاسى ءۇشىن داعدارىسقا قارسى شارالارعا قاتىستى ماسەلەلەر تالقىلاندى. پىكىرتالاسقا بارلىق وڭىرلەردەن بيزنەس-قوعامداستىق وكىلدەرى قاتىسىپ, سالا ماماندارىنا سۇراقتار قويدى. تالقىلاۋ بارىسىندا بيزنەس باعدارلاما شەڭبەرىندە نەسيەلىك تۇرعىن ءۇي بويىنشا باعالىق پارامەترلەردى ۇلعايتۋ بويىنشا شارالاردى قولدادى. وسى ورايدا شارشى مەتردىڭ كورسەتىلگەن قۇنىنا ينجەنەرلىك-كوممۋنيكاتسيالىق ينفراقۇرىلىم جانە كوركەيتۋدى جۇمىستارى كىرمەيتىن بولادى. قۇرىلىس قوعامداستىعى اتالعان باعادان پاركينگتەردى سالۋ شىعىنداردى الىپ تاستاۋدى ۇسىنىلىپ, ءتيىستى ماقساتتاعى جەر ۋچاسكەسى بار نەمەسە كوپقاباتتى تۇرعىن ءۇي قۇرىلىسىنا نەمەسە سالىنىپ جاتقان قۇرىلىسقا ارنالعان جوبالىق-سمەتالىق قۇجاتتاماعا يە ادامدارعا باعدارلاماعا قاتىسۋ بويىنشا جەكە باستامانى ىسكە اسىرۋ مۇمكىندىگىن بەرۋ بويىنشا شارالار قولداۋ تاپتى.
ۇكپ «تۇرعىن قۇرىلىس جيناق بانكى» اق-تىڭ «5-10-20» باعدارلاماسىن ىسكە اسىرۋعا قوسىمشا اقشا ءبولۋ بويىنشا ۇسىنىسىن قولدادى. ويتكەنى اتالعان باعدارلاما اياقتالعان, سالىنىپ جاتقان تۇرعىن ۇيلەردى ساتۋدىڭ قوسىمشا كوزدەرىن رەتتەيدى. وسى رەتتە دايىن تۇرعىن ءۇيدىڭ پارامەترلەرى قارىزدىڭ ماكسيمالدى سوماسىنا قاراي وزگەرەدى.
قۇرىلىسشىلار «7-20-25» يپوتەكالىق باعدارلاما پارامەترلەرىن قايتا قاراۋ, اتاپ ايتقاندا قارىز سوماسىن ۇلعايتۋ قاجەتتىلىگى تۋرالى پىكىرلەرىن ءبىلدىردى. وسى رەتتە ۇكپ قارىز الۋشىلار ءۇشىن اي سايىنعى تولەم مولشەرىن, ونىڭ ىشىندە باستاپقى جارنانىڭ قۇنىن 30-50%-نا دەيىن كوبەيتۋ ارقىلى شەكتەۋ نۇسقالارىن تالقىلاۋعا دايىن. ەكىنشى دەڭگەيلى بانكتەرمەن بىرلەسىپ, ءوزارا ءتيىمدى مەحانيزمدەردى ازىرلەۋدى ۇسىندى.
سونداي-اق جيىن بارىسىندا قاتىسۋشىلار نۇر-سۇلتان جانە الماتى قالالارىنا باعدارلاما شارتىنا سايكەس كەلۋ وتە قيىن ەكەنىن اتاپ ءوتتى. ويتكەنى اتالعان قالالاردا كوپقاباتتى تۇرعىن ۇيلەردى سالۋ وڭىرلەرگە قاراعاندا قىمباتقا تۇسەدى. نۇر-سۇلتان جانە الماتى قالالارىنىڭ كوپقاباتتى تۇرعىن ۇيلەردى سالۋعا قاتىسۋىنىڭ ۇلەس سالماعى 50%-دى قۇرايدى. بۇل قالالارعا باعدارلامادا ەرەكشەلىكتەرىن ەسكەرە وتىرىپ, تۇرعىن ۇيلەر سالۋ جانە ساتۋ شارتتارى مەن تەتىكتەرىن قاراستىراتىن جەكەلەگەن ءبولىم ازىرلەنۋى ءتيىس.
ۇسىنىستار يندۋستريا جانە ينفرقاۇرىلىمدىق دامۋ مينيسترلىگى جانە ۇلتتىق ەكونوميكا مينيسترلىگىنە جىبەرىلدى.
