مۇنداي جاعدايعا جاقىندا الماتى قالاسىندا پاترۋلدەۋگە قاتىساتىن راديوەلەكترونيكا جانە بايلانىس əسكەري-ينجەنەرلىك ينستيتۋتىنىڭ كۋرسانتتارى تاپ بولدى. ولار تولە بي-ساين كوشەسىنەن گراناتاسى بار ەر ادامدى ۇستادى.
كۋرسانتتاردىڭ ايتۋىنشا, ولارعا ەكى بەلگىسىز ەر ادامدى كورسەتىپ, ولاردىڭ قولىندا جارىلعىش قول گراناتاسى بار ەكەنىن ايتقان جىگىت جۇگىنگەن. اسكەري قىزمەتشىلەر اتالعان ادامداردى قۇرىقتاۋعا تىرىسقانىمەن, ولار جۇگىرىپ كەتكەن. سونىڭ سالدارىنان بەلگىسىز بىرەۋلەر قولعا تۇسكەن.
«ولاردىڭ ءبىرىنىڭ قالتاسىندا زات بولدى. كەنەتتەن ول əلگى زاتتى الىپ, جەرگە لاقتىردى. مەن گراناتانىڭ كورپۋسىن بايقادىم», – دەيدى كۋرسانتتاردىڭ ءبىرى ەرسۇلتان بولات.
سونىمەن قاتار وقيعا ورنىندا ۇستالعاندار پوليتسياعا تاپسىرىلىپ, گراناتا الىنىپ, ساراپتاماعا جىبەرىلدى. كەيىن انىقتالعانداي, ولاردىڭ بىرەۋى بۇرىن ۇرلىق جانە توناۋ əرەكەتتەرى ءۇشىن سوتتى بولعان. جارىلعىش زات قايدان الىنىپ, سونداي-اق پايدالانۋعا نە ءۇشىن جوسپارلانعانىن قۇقىق قورعاۋ ورگاندارى انىقتايدى.
قۇرلىق اسكەرلەرى əسكەري ينستيتۋتىنىڭ 4-كۋرس كۋرسانتى مەيرامبەك نايسەكەنوۆ الماتى قالاسى مەن وبلىس شەكاراسىنداعى كوپىردەن وزەنگە سەكىرىپ, وزىنە قول جۇمساماق بولعان ايەلدى قۇتقاردى. قاراڭعىدا كوپىردىڭ ارتىندا تۇرعان ايەلدىڭ بەينەسىن كورگەن مەيرامبەك وعان كومەككە جۇگىرگەن. ول بىردەن قولىنا ۇستاپ الىپ, ونى كوپىردىڭ سۇيەنىشىنەن الىپ, قاۋىپسىز جەرگە الىپ بارعان.
بولعان وقيعا تۋرالى اسكەري قىزمەتشى راتسيا بويىنشا بلوك-بەكەت باسشىلىعىنا بايانداپ, پوليتسيا كەلگەنگە دەيىن ايەلگە پسيحولوگيالىق قولداۋ كورسەتۋگە تىرىسقان. بەلگىلى بولعانداي, ول ءوزىنىڭ جىگىتىمەن ايىرىلىسۋىنا بايلانىستى وسىنداي قادامعا بارعان. قۇقىق قورعاۋ ورگاندارىنىڭ وكىلدەرى كۋرسانتتىڭ باتىل ارەكەتتەرىنىڭ ارقاسىندا ايەل ءتىرى قالعانىن اتاپ ءوتتى. مەيرامبەككە وسى əرەكەتى ءۇشىن العىس جاريالاندى.
اقتوبەدە اۋە قورعانىسى كۇشتەرى əسكەري ينستيتۋتىنىڭ كۋرسانتتارى رومان وتەسەيىتوۆ پەن دياس شامەنوۆ تە ءوز باتىلدىقتارىن كورسەتە ءبىلدى. اسكەري پوليتسيا جاساعىنىڭ اسكەري قىزمەتشىلەرىمەن بىرگە پاترۋلدەۋگە قاتىسا وتىرىپ, اكىمشىلىك قۇقىق بۇزۋشىلىق جاساعان ەر ادامدى ۇستادى. اتالمىش وقيعا بەيبىتشىلىك داڭعىلىندا ورىن الدى. ۇستالعان ازامات سۋىق قارۋدا بولعاندىعى انىقتالدى.
ايتا كەتۋ كەرەك, əسكەري وقۋ ورىندارىنىڭ جوعارى كۋرس كۋرسانتتارى پاترۋلدەۋگە قاتىسادى. بولاشاق وفيتسەرلەر تاجىريبەلى اسكەري ارىپتەستەرمەن جانە قۇقىق قورعاۋ ورگاندارىنىڭ قىزمەتكەرلەرىمەن بىرلەسە قويىلعان مىندەتتەردى ورىندايدى جانە وسىنداي قيىن جاعدايلاردا دا ازاماتتىقتارىن تانىتادى.
