قۇرمەتتى قوستانايلىقتار!
بۇگىن جەدەل شتاب وتىرىسى ءوتتى. دەنساۋلىق ساقتاۋ سالاسىنىڭ ماماندارىن تىڭداي كەلە, 17 ءساۋىر كۇنى ساعات 00.00-دەن باستاپ 1-ءشى مامىر ساعات 07.00-گە دەيىن وبلىس اۋماعىندا كارانتين ەنگىزۋ تۋرالى شەشىم قابىلداندى.
بۇل, حالىقتى كوروناۆيرۋستىق ينفەكتسيادان قورعاۋ ءۇشىن ءماجبۇرلى شارا ەكەنىن اتاپ وتكىم كەلەدى. مۇنداي تاجىريبە, قازاقستاننىڭ باسقا وبلىستارىندا قولدانىلۋدا. ەڭ الدىمەن, كارانتين رەجيمى بىزگە بارلىق بايلانىستارعا شەكتەۋ قويۋعا جانە قاۋىپتى ۆيرۋستىڭ تارالۋىنا جول بەرمەۋگە مۇمكىندىك بەرەدى.
قازىر دارىگەرلەر, پوليتسيا قىزمەتكەرلەرى جانە تىرشىلىكتى قامتاماسىز ەتۋ كاسىپورىندارىنىڭ قىزمەتكەرلەرى كۇشەيتىلگەن رەجيمدە جۇمىس جاساۋدا. مەن بارلىقتارىڭىزدى ولاردىڭ ەڭبەكتەرىنە قۇرمەتپەن قاراۋعا شاقىرامىن. ءبىز سىزدەرمەن بىرگە قولىمىزدان كەلگەنشە ولارعا كومەك كورسەتە الامىز.
وبلىستىڭ بارلىق تۇرعىندارىن كارانتين جاعدايىنا بارىنشا بايىپتى قاراۋدى سۇرايمىن. ۇيدە بولىپ, بارلىق مەديتسينالىق ۇسىنىستاردى ساقتاۋ قاجەت.
قىمباتتى قوستانايلىقتار!
وزدەرىڭىزدى جانە جاندارىڭىزعا جاقىن جانداردى قورعاڭىزدار! ءاربىر وتباسىنا اماندىق, بارلىق قوستانايلىقتارعا مىقتى دەنساۋلىق جانە سەنىمدىلىك تىلەيمىن. ءبىز قانشاما رەت قيىندىقتاردى باستان وتكەردىك, بىراق ءاردايىم تەك العا جۇردىك. ءبىز بارلىعىن جەڭەمىز جانە وسى جولى دا جەڭىسكە ءسوزسىز جەتەمىز. بءىز بىرگەمىز! – دەدى ارحيمەد مۇحامبەتوۆ.
قوستاناي وبلىسى
