جۇمىستىق كەزدەسۋ Baker McKenzie سەرىكتەسى ا. كوروبەينيكوۆا, «KazBar» زاڭ كونسۋلتانتتارى پالاتاسىنىڭ توراعاسى ج.ەلۋباەۆا سياقتى جەتەكشى زاڭ فيرمالارىنىڭ باسشىلارىن ءبىر الاڭعا جينادى. احقو تاراپىنان شاراعا احقو قۇقىق اكادەمياسىنىڭ مۇشەسى ي. روگوۆ, احقو باسقارما توراعاسىنىڭ ءبىرىنشى ورىنباسارى م. ايتەنوۆ جانە احقو بيرجاسىنىڭ وكىلى قاتىستى, دەپ حابارلايدى ءباسپاسوز قىزمەتى.
كەزدەسۋگە قاتىسۋشىلارعا احقو-نىڭ اعىمداعى جەتىستىكتەرى مەن 2020 جىلعا جوسپارلارى تۋرالى اقپارات بەرىلدى. سونىمەن قاتار, احقو-نىڭ يۋريسديكتسياسى مەن ونى قولدانۋعا قاتىستى پراكتيكالىق ماسەلەلەر تالقىلاندى. اتاپ ايتقاندا, احقو قۇقىقتىق جۇيەسىندەگى جۇمىستىڭ ەرەكشەلىكتەرى, مەملەكەتتىك كومپانيالاردىڭ حالىقارالىق تورەلىك ورتالىعىنداعى سوت پروتسەستەرىنە قاتىسۋ مۇمكىندىكتەرى, احقو-دا باعالى قاعازدارمەن جاسالاتىن مامىلەلەردى رەتتەۋ جانە ت.ب. ماسەلەلەر تالقىعا ءتۇستى.
كەزدەسۋدە قاتىسۋشىلار اقپاراتپەن جانە احقو جۇمىس تاجىريبەسىمەن الماستى, سونداي-اق قىزىقتىرعان سۇراقتارىنا جاۋاپتار الدى. بۇل كەزدەسۋ ءوزى كەزەگىندە احقو مەن قازاقستاننىڭ زاڭ قاۋىمداستىعى اراسىنداعى ءوزارا ءتيىمدى قاتىناستاردىڭ دامۋىنا جاڭا سەرپىن بەرەدى.
الماتى
