مەگاپوليستە سەل قاۋپىن سەيىلتۋ ماقساتىندا كەشەلى بەرى مەردىگەرلىك ۇيىمدار مەن اۋداندىق اكىمدىك قىزمەتكەرلەرىنىڭ كۇشىمەن تاۋلىكتىك كەزەكشىلىك ۇيىمداستىرىلعان.
وتكەن تۇندە سۋ باسۋ بويىنشا 16 جاعداي تىركەلدى. سونىڭ ىشىندە قالا اۋماعىنداعى 13 اۋلا مەن 3 كوشەنى سۋ باستى.
سونداي-اق, جەتىسۋ اۋدانىنا تيەسىلى رايىمبەك داڭعىلى مەن جەلتوقسان كوشەلەرىنىڭ قيىلىسىندا اپاتتى جاعدايدا تۇرعان اعاش قۇلاپ, جولدى جاۋىپ قالعان.
قالالىق قۇتقارۋ قىزمەتىنىڭ وكىلدەرى اپاتتىڭ سالدارى جويلعانىن جەتكىزدى.
تۇنگى ۋاقىتتاعى جۇمىستارعا 164 ادام, 99 بىرلىك ارنايى تەحنيكا جانە 31 موتوپومپا جۇمىلدىرىلدى.
تاڭەرتەڭنەن باستاپ سۋدى بوگەتسىز وتكىزۋ جانە اعىزۋدى قامتاماسىز ەتۋ جۇمىستارىن ۇيىمداستىرۋ ءۇشىن 779 ادام, 276 بىرلىك ارنايى تەحنيكا جانە 32 بىرلىك موتوپومپا ىسكە قوسىلدى.
بۇل جۇمىستارعا بارلىعى 880 دانا قۇم سالىنعان قاپشىقتار پايدالانىلعان.
