باقىتجان ورازاليەۆ كەزدەسۋ بارىسىندا قازىرگى تاڭدا كىتاپحانا سالاسىنىڭ دامۋى, ونىڭ اقپاراتتىق قوعامدا الار ورنى جانە تسيفرلىق تەحنولوگيانىڭ كىتاپحانالارعا اسەرى, ەلەكتروندى كىتاپحانالارعا سۇرانىس قانداي بولۋ قاجەتتىگى جونىندە اڭگىمەلەپ بەردى.
شارانى «قازاقستاننىڭ 100 جاڭا ەسىمى» جوباسىنىڭ جەڭىمپازى, IT تەحنولوگيا سالاسىنىڭ مامانى, اقپاراتتىق جۇيەلەر بويىنشا ماركەتولوگ نۇرجان جولدىبالينوۆ جۇرگىزدى. ول بۇگىنگى قازاقستاندىق كىتاپحانا الاڭىنداعى تۇرلەندىرىلگەن اقپاراتتىق برەند بولىپ سانالاتىن قازاقستاندىق ۇلتتىق ەلەكتروندى كىتاپحانانى جاساۋشىلاردىڭ ءبىرى.
سونىمەن قاتار, كەشە ايتىسكەر-اقىن, «دارىن» مەملەكەتتىك جاستار سىيلىعىنىڭ لاۋرەاتى مەيىربەك سۇلتانحانمەن «كىسىلىكتىڭ كىلتى كىتاپتا» اتتى ونلاين كەزدەسۋ وتكىزىلدى. اقىن كەزدەسۋ بارىسىندا قازىرگى ايتىسقا بايلانىستى ءوز ويىن ايتىپ, ولەڭدەرىن وقىدى. ونلاين كورەرمەندەردىڭ سۇراقتارىنا جاۋاپ بەردى.
ايتا كەتەيىك, قازاقستان رەسپۋبليكاسىنىڭ ۇلتتىق اكادەميالىق كىتاپحاناسى وقىرماندارعا كەلەسى قىزمەتتەردى ونلاين كورسەتەدى. قازاقستاندىق ۇلتتىق ەلەكتروندى كىتاپحانا – قازۇەك www.kazneb.kz 24/7 رەجىمىندە قىزمەت كورسەتەدى. پورتالدى الەمنىڭ 100-دەن استام ەلىنەن پايدالانۋشىلار قولدانادى جانە تاڭداعان قۇجاتتارىن ونلاين تۇردە وقي الادى. ايتا كەتۋ كەرەك, قازاقستاننان باسقا پورتالعا رەسەي, اقش, قىتاي, تۇركيا ەلدەرىنەن پايدالانۋشىلار كوپتەپ كىرەدى. «كىتاپحاناشىعا سۇراق» ۆيرتۋالدى انىقتاما قىزمەتى – بارلىق تاقىرىپتىق باعىتتار بويىنشا اقپارات ىزدەۋگە بايلانىستى قر ۇاك-نىڭ قاشىقتىقتاعى پايدالانۋشىلارىنا ارنالعان ونلايندىق انىقتامالىق-بيبليوگرافيالىق قىزمەت كورسەتەدى. اتالعان قىزمەتتەر كۇندەلىكتى قابىلدانادى جانە تۇسكەن رەتىمەن 3-5 كۇندە ورىندالادى. سونداي-اق, قازاقستان رەسپۋبليكاسىنىڭ ۇلتتىق اكادەميالىق كىتاپحاناسىنىڭ اۋقىمدى ونلاين جوبالارىمەن, قورداعى سيرەك جانە قۇندى قولجازبالارمەن, قازاقستاننىڭ ۇلتتىق ەلەكتروندى كىتاپحاناسى مەن بالالار كىتاپحاناسىنىڭ ونلاين جوبالارىمەن تانىستىرىپ, كىتاپ وقۋدى الەۋمەتتىك جەلىلەر ارقىلى ءجيى ناسيحاتتاۋدى قولعا الىپ ءجۇر.
