12 ساۋىردە جىتىقارا قالاسىندا, ءبىرى - 74, ەكىنشىسى 65 جاستاعى ەكى ادام قىزۋى كوتەرىلىپ, القىنىپ, السىرەگەن كۇيدە اۋرۋحاناعا تۇسەدى. ناۋقاستار جەدەل تۇردە زەرتحانالىق تەكسەرۋگە جىبەرىلگەن. كەشە دياگنوستيكالىق زەرتتەۋ قورىتىندىسى بويىنشا ولاردىڭ ەكەۋىنىڭ دە كورونوۆيرۋس جۇقتىرعانى انىقتالىپ, گوسپيتالعا جاتقىزىلدى.
ناۋقاستارمەن بايلانىستا بولعان ادامداردىڭ بارلىعى انىقتالىپ, وقشاۋلانىپ, مەديتسينالىق باقىلاۋعا الىنعان.
14 ءساۋىر كۇنى ساعات 18.30-دا 1945 جىلى تۋعان ناۋقاستىڭ جاعدايى كۇرت كۇرت ناشارلاپ, دەنە قىزۋى 39 گرادۋستان اسىپ كەتتى. بۇگىن تاڭەرتەڭ ينكۋباتسيا جاسالىپ, ناۋقاستى وكپەگە جاساندى جولمەن دەم جىبەرەتىن قۇرىلعىعا قوستىق. جۇرەك قىزمەتى توقتاعان سوڭ, تولىق كولەمدە رەانيماتسيا وتكىزىلدى. وكىنىشكە قاراي, تاڭعى 8.30-دا ناۋقاس كوز جۇمدى. 65 جاستاعى ەكىنشى ناۋقاس جىتىقارا قالاسىندا اۋرۋحانادا جاتىر, - دەدى باسقارما باسشىسى.
قوستاناي وبلىسى
