كومپانيا قازاقستان اۋماعىنداعى وبلىس جانە قالالاردىڭ اكىمدىكتەرى جانە ۆولونتەرلىك ۇيىمدارمەن ىنتىماقتاسا وتىرىپ كوپ بالالى وتباسىلاردى, حالىقتىڭ از قامتىلعان جانە زارداپ شەككەن توپتارىنا اتاۋلى ماتەريالدىق كومەك كورسەتۋ جانە ازىق-ت ۇلىك جيىنتىعىن جەتكىزۋدى قولعا الماق.
سونىمەن بىرگە مەديتسينا قىزمەتكەرلەرىنە ىندەتپەن كۇرەسۋ جانە ولاردىڭ جۇمىس جاعدايىن قامتاماسىز ەتۋ ءۇشىن قاجەتتى كومەك كورسەتۋ مەن مۇقتاج جانداردى قولداۋ ءۇشىن ءتۇرلى قايىرىمدىلىق قورلارىمەن ىنتىماقتاستىقتا ىسكە كىرىسەتىن بولادى.
– الەمدە جانە ءبىزدىڭ ەلىمىزدە كوروناۆيرۋستى جۇقتىرۋ دەڭگەيى وسۋدە, وكىنىشكە وراي, ىندەتتەن كوپتەگەن ءولىم جاعدايلارى تىركەلگەن. ءبىز وسى اۋىر كۇندەرى قايتىس بولعانداردىڭ تۋىستارى مەن جاقىندارىنا كوڭىل ايتامىز. سونىمەن قاتار, قازاقستاندىق مەديتسينا قىزمەتكەرلەرىنە جانە پاندەمياعا قارسى كۇرەستە الدىڭعى قاتاردا جۇرگەندەرگە ۇلكەن راحمەت ايتقىمىز كەلەدى. ەل باسشىلىعى COVID-19 تارالۋىنىڭ الدىن الۋ بويىنشا ۋاقتىلى جانە ساۋاتتى ءىس-ارەكەتتەردى قابىلدادى, ايتپەسە زالال كولەمى تىم كوپ بولار ەدى. سونىمەن بىرگە پاندەمياعا قارسى كۇرەس جونىندەگى امالسىز جانە قاجەتتى شارالار ءبىزدىڭ ەلىمىزدىڭ حالقى مەن ەكونوميكاسىنا ەلەۋلى اسەر ەتەدى. داعدارىس بارىمىزگە اسەر ەتتى. قازىر بۇكىل قوعامنىڭ كۇش-جىگەرىن بىرىكتىرۋ ءۇشىن, مەيىرىمدىلىك پەن ءوزارا كومەك كورسەتۋ قاجەت. ۋاقىتىلى قاجەتتى كومەك كورسەتىپ جانە ءبىر-ءبىرىمىزدى قولداۋ ارقىلى ءبىز وسى داعدارىستان شىعا الامىز. بۇرىڭعىدان دا كۇشتى بولا الامىز, – دەيدى Kusto Group كومپانياسىنىڭ نەگىزىن قالاۋشى ەركىن تاتىشەۆ.
