DKG زەرتتەۋ جۇمىسى كەزىندە كارانتيننىڭ اسەرى, مەملەكەتتىك باسقارۋدىڭ تيىمدىلىگى, مونيتورينگ جانە انىقتاۋ, سونداي-اق شۇعىل ەم-دوم جاساۋعا دايىندىق سياقتى پارامەترلەردى نەگىزگە الدى. سونىڭ ىشىندە ماماندار شەكتەۋ تىيىمدارىن ەنگىزۋگە, دەنساۋلىق ساقتاۋ جۇيەسى رەسۋرستارىنىڭ سانىنا, دياگنوستيكا ادىستەرىنە نازار اۋداردى.
Covid-19 ىندەتى ءورشىپ تۇرعان شاقتا قاۋىپسىزدىك بويىنشا رەيتينگ ءتۇزىلىپ, 40 مەملەكەتتىڭ ءتىزىمى جاريالاندى. مۇنىڭ العاشقى ۇشتىگىنەن يزرايل, گەرمانيا جانە وڭتۇستىك كورەيا ەلدەرى كورىندى. سونداي-اق وندىققا اۋستراليا, قىتاي, جاڭا زەلانديا, تايۆان, سينگاپۋر, جاپونيا جانە گونكونگ مەملەكەتتەرى كىردى.
سونىمەن قاتار زەرتتەۋ توبى پاندەميا جاعدايىندا قاۋىپ-قاتەردىڭ تاۋەكەلىندە تۇرعان 20 ەلدىڭ رەيتينگىن ۇسىندى. رەيتينگتىڭ العاشقى بەستىگىنە يتاليا, اقش, ۇلىبريتانيا, يسپانيا جانە فرانتسيا كىردى.
بۇدان بولەك ىندەتتەن ەمدەۋدىڭ تيىمدىلىگى بويىنشا ون ەلدىڭ اتى اتالدى. العاشقى ۇشتىكتەن گەرمانيا, قىتاي دانە وڭتۇستىك كورەيا مەملەكەتتەرى كورىندى.
بۇل رەيتينگتەرگە قازاقستان ەنبەدى. بىراق ساراپشىلار الداعى ۋاقىتتا دەرەكتەر ۇنەمى جاڭارتىلىپ وتىراتىنىن, سوعان سايكەس رەيتينگتە مەملەكەتتەردىڭ ورىندارى وزگەرۋى مۇمكىن ەكەنىن مالىمدەدى.
