ايماقتار • 14 ءساۋىر, 2020

رۋدنىيدا 5 ملن تەڭگەنىڭ التىنىن ۇرلاعان قىلمىسكەر ۇستالدى

321 رەت

كورسەتىلدى

1 مين

وقۋ ءۇشىن

بەس ميلليون تەڭگە كولەمىندەگى التىن بۇيىمدارىن ۇرلادى دەگەن كۇدىكتى جەتى ايدان كەيىن قىزىلوردا قالاسىندا قولعا ءتۇستى. قوستاناي وبلىسى پد ءباسپاسوز قىزمەتىنىڭ مالىمەتىنشە, قىلمىسكەر زەرگەرلىك بۇيىمداردى وتكەن جىلى 30 تامىزدا رۋدنىي قالاسىنىڭ امبەباپ دۇكەنىنەن ۇرلاعان. دۇكەنگە جەرتولە ارقىلى كىرگەن قىلمىسكەردىڭ ءجۇرىس-تۇرىسىن تۇگەلدەي بەينە باقىلاۋ كامەراسى جازىپ العان. بىراق بەتپەردە كيىپ العاندىقتان ءتۇر-الپەتىن تانۋ مۇمكىن بولماعان. قىلمىس جاساعاننان كەيىن كۇدىكتى دەرەۋ بوي تاسالاپ ۇلگەرگەن.

نۇرقانات قۇلاباەۆ

رۋدنىيدا 5 ملن تەڭگەنىڭ التىنىن ۇرلاعان قىلمىسكەر ۇستالدى

- پوليتسيا كۇدىكتىنىڭ سىبايلاستارىن ۇرلانعان زەرگەرلىك بۇيىمداردى ساتۋ كەزىندە ۇستادى جانە 32 جاستاعى رۋدنىي تۇرعىنىن انىقتاپ, وعان ىزدەۋ جاريالادى. التىن بۇيىمداردىڭ ءبىر بولىگى قالا لومباردتارىنان الىندى. كەيىن ۇرىنىڭ پەتروپاۆل مەن شىمكەنت قالالارىندا جاسىرىنعانى انىقتالدى. جەدەل ىزدەستىرۋ ءىس-شاراسى بارىسىندا ول قىزىلوردا قالاسىندا قولعا ءتۇستى. قازىرگى ۋاقىتتا سوتقا دەيىنگى تەرگەۋ ءجۇرىپ جاتىر. كۇدىكتى بۇعان دەيىن دە توناۋ, ەسىرتكى جانە زاڭسىز قارۋ ساقتاعانى ءۇشىن سوتتالعان, - دەپ مالىمدەدى پوليتسيا دەپارتامەنتىنىڭ ءباسپاسوز قىزمەتى.

قوستاناي وبلىسى