ء«سىز بەن ءبىزدىڭ مىندەتىمىز – توتەنشە جاعدايدا توزىمدىلىك تانىتىپ, تازالىق شارالارىنا اسا ءمان بەرىپ, ءوزىمىزدى, وتباسىمىزدى ىندەتتەن امان ساقتاۋ. جۇقپالى ىندەتپەن وقشاۋلانىپ كۇرەسۋىمىز كەرەك. قازاقستان مۇسىلماندارى ءدىني باسقارماسى ەلىمىزدەگى توتەنشە جاعدايعا بايلانىستى قاسيەتتى رامازان ايىندا ىندەتتىڭ تارالۋىنىڭ الدىن الۋ ماقساتىندا كارانتين مەرزىمىندە تاراۋىق نامازىن مەشىتتەرىمىزدە جاماعاتپەن وقىلمايتىنىن مالىمدەيدى. اركىم تاراۋىق نامازىن ءوز شاڭىراعىندا وتباسى مۇشەلەرىمەن وقۋىنا كەڭەس بەرەمىز. ءبىز وسىلاي وقشاۋلانۋ ارقىلى جۇقپالى ىندەتتى جەڭەمىز», - دەدى ناۋرىزباي قاجى.
ونىڭ ايتۋىنشا, قمدب توتەنشە جاعداي كەزىندە ونلاين-ۋاعىزدار مەن دارىستەردىڭ ارنايى كەستەسىن بەكىتتى. سونداي-اق, ءدىندارلاردى قىزىقتىراتىن بارلىق سۇراقتارعا جەدەل جاۋاپ بەرۋ ءۇشىن call-center اشىلدى: (7172) 33-30-30.
ءوز سوزىندە باس ءمۇفتي قاسيەتتى رامازان ايى 25 ساۋىردە باستالىپ, 29 كۇنگە سوزىلاتىندىعىن ەسكە سالدى. ورازا ايت 24 مامىردا تويلانادى.
«قازىرگى ۋاقىتتا قاجەتتى كارانتيندىك شارالاردىڭ اسەرىنەن حرامدارعا كىرۋ ۋاقىتشا شەكتەلدى. وكىنىشكە وراي, بيىل كوپتەگەن پريحودشىلار پاسحانى ۇيدە, ءوزىن-ءوزى وقشاۋلاۋ جاعدايىندا اتاپ وتەدى. بىراق ەسىمىزدە بولسىن: ەشكىم پاسحانىڭ شىنايى قۋانىشىن سەنەتىن جۇرەكتەن ج ۇلىپ الا المايدى. ۇيدە بىرىگىپ دۇعا ەتۋ, رۋحاني ادەبيەتتەردى وقىپ, اقىرىندا قۇدايدىڭ قىزمەتتەرى تۋرالى حابارلاردى كورۋ بىزگە مەرەكەلەردىڭ مەرەكەسىنە قوسىلۋعا كومەكتەسەدى», - دەدى ميتروپوليت الەكساندر.
ول پاسحا تۇنىندە «ەۆرازيا ءبىرىنشى ارناسىندا» الماتىداعى ۆوزنەسەنسك كافەدرالى شىركەۋىنەن مەرەكەلىك قىزمەتتىڭ تىكەلەي ترانسلياتسياسى وتەتىندىگىن ايتتى. سونداي-اق, ەلىمىزدىڭ وڭىرلەرىندە پاسحا قىزمەتتەرى تۋرالى حابارلار قازاقستاننىڭ بارلىق ەپارحيالارىنىڭ نەگىزگى شىركەۋلەرىنەن بەرىلەدى.
ايتا كەتۋ كەرەك, بيىلعى جىلى باستى حريستيان مەرەكەسى - قاسيەتتى حريستوستىڭ قايتا ءتىرىلۋى - 18-نەن 19 ساۋىرگە قاراعان ءتۇنى اتاپ وتىلەدى.
