«اسەپتدەزين» دەپ اتالاتىن انتيسەپتيكتەردىڭ العاشقى پارتياسى «كوكشەتاۋ مينەرالدى سۋ» ءىرى ءوندىرىس الاڭىندا شىعارىلدى. بۇل قورعانىس قۇرالىن دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىمدارىنا سايكەس «كەنتاۆر» اقتوبەلىك سپيرت زاۋىتىنىڭ ماماندارى ازىرلەدى. مەملەكەتتىك ستاندارتتار بويىنشا انتيسەپتيك دەنساۋلىق ساقتاۋ مينيسترلىگىندە تىركەۋ مەن سەرتيفيكاتتاۋدان ءوتتى. اتالعان پروتسەدۋرا ونىڭ ساپاسى مەن قاۋىپسىزدىگىن راستايدى.
– نارىقتاعى انتيسەپتيككە دەگەن سۇرانىستى ەسكەرە وتىرىپ, قوسىمشا قارجىلىق شىعىندارعا قاراماستان جاڭا ءونىم شىعارۋ تۋرالى شەشىم بىردەن قابىلداندى. ازىرگە ءبىز قىسقا مەرزىمدە ءتيىستى مەملەكەتتىك ورگانداردا تىركەۋ مەن سەرتيفيكاتتاۋدان ءوتىپ, قولجەتىمدى باعاداعى ساپالى ءارى قاۋىپسىز انتيسەپتيك قۇرالدارىن ءوندىرىسىن جولعا قويعان جالعىز ءوندىرۋشىمىز, – دەدى Asia Waters كوممەرتسيالىق ديرەكتورى رۋسلان لامانوۆ:
انتيسەپتيك جۇقپالى اۋرۋلاردىڭ الدىن-الۋ ءۇشىن قولدى جۋعا ارنالعان جانە بارلىق سانيتارلىق, ساپالىق ستاندارتتارعا سايكەس كەلەدى. ءونىمنىڭ قۇرامىندا سپيرت, سۋتەگى توتىعى جانە تەرىنى جۇمسارتاتىن كومپونەنتتەر بار.
باستاپقىدا 80 مىڭ ليتر انتيسەپتيك شىعارىلدى. ونىڭ مولشەرىن 15 ساۋىرگە دەيىن 600 مىڭ ليترگە جەتكىزۋ جوسپارلانعان. نارىقتاعى سۇرانىسقا ساي شيكىزات جەتكىلىكتى بولسا, ءوندىرىس قۋاتتىلىق بۇدان دا جوعارى كوتەرۋگە قاۋقارلى.
Asia Waters وسىنداي انتيسەپتيك ءوندىرىسىن قوستاناي قالاسىنداعى سپيرت زاۋىتىندا دا قولعا الىپ جاتىر. قازىر كومپانيا مەديتسينالىق مەكەمەلەر مەن مەملەكەتتىك ۇيىمداردان تاپسىرىس قابىلداۋدا. جاقىن ارادا ەلدەگى دۇكەندەردە پايدا بولادى. انتيسەپتيكتىڭ 0,5 ءليترى – 1730 تەڭگەدەن, 1 ءليترى – 2640 تەڭگەدەن جانە 5 ءليترى 11 880 تەڭگەدەن ساتىلادى.
