وقيعا تۇنگى ۋاقىتتا ورىن الدى. اعا سەرجانت روللان سەرىكوۆ پەن سەرجانت رۋسلان سەكەنوۆ پاترۋلدەۋ بارىسىندا ازىق-ت ۇلىك دۇكەندەرىنىڭ بىرىندە دىبىستاردى ەستەيدى. تەكسەرۋ بارىسىندا ولار ەسىكتىڭ بۇزۋ ىزدەرىن تاپتى. اسكەري قىزمەتشىلەر ءتارتىپ بۇزۋشىنى قىلمىس ورنىندا قولعا ءتۇسىرىپ, وقيعا ورنىنا كەلگەن پوليتسيا قىزمەتكەرىنە تاپسىردى. ۇستالعان ازاماتتىڭ قالتاسىنان دۇكەننەن ۇرلانعان اقشا تابىلدى.
پوليتسيانىڭ باسقارما باسشىلىعى «شىعىس» وڭىرلىك قولباسشىلىعىنىڭ اسكەري قىزمەتشىلەرىنە جەدەل ارەكەتى مەن ءوز مىندەتتەرىن ادال ورىنداعانى ءۇشىن العىس ءبىلدىردى.
ايتا كەتۋ كەرەك, سەمەيدە پاترۋلدەۋ قوسىمشا شەكتەۋ شارالارى ەنگىزىلگەن ساتتەن باستاپ ۇيىمداستىرىلدى. «شىعىس» وڭىرلىك قولباسشىلىعىنىڭ اسكەري قىزمەتشىلەرى پوليتسيا بولىمشەلەرىمەن جانە ۇلتتىق ۇلانمەن بىرلەسىپ, حالىقتىڭ قاۋىپسىزدىگىن جانە قوعامدىق ءتارتىپتى قامتاماسىز ەتۋ ءۇشىن قوعامدىق ورىنداردى پاترۋلدەيدى.
