- ايماقتا ەرىكتىلەر جىلىنا ارنالىپ ارنايى ازىرلەنگەن وڭىرلىك جوسپار بويىنشا بىرقاتار جوبالاردى جۇزەگە اسىرۋ كوزدەلگەن. بۇل جوبالار ساباقستاستىق, ساۋلىق, تازا الەم, اسىل مۇرا, قامقور, ءبىلىم, ءۇمىت دەپ اتالاتىن 7 باعىت بويىنشا ىسكە اسىرىلىپ جاتىر. ءبىز «تازا الەم» جوباسىنا ەرەكشە كوڭىل ءبولىپ وتىرمىز. بۇل باعىت بويىنشا قورشاعان ورتانى قورعاۋ, وزەندەر مەن ورمانداردى تازالاۋ, اعاش وتىرعىزۋ, تۇرعىنداردى قوقىستى سۇرىپتاپ تاستاۋعا داعدىلاندىرۋ سياقتى بىرقاتار شارالاردى وتكىزۋدى جوسپارلاپ وتىرمىز, – دەدى مارات جۇرقاباەۆ.
قوستاناي وبلىسىندا جالپى سانى 15 مىڭ مۇشەسى بار 80 شاقتى ەرىكتىلەر ۇيىمى جۇمىس ىستەيدى. ولار ەرىكتىلەر جىلى اياسىندا جىل باسىنان بەرى 180 شارا وتكىزگەن. ەرىكتى جاستار نەگىزىنەن جالعىز تۇراتىن قارت ادامدارعا كومەك كورسەتۋ, تۇرعىن ءۇي اۋلالارىن قاردان تازارتۋ, «ۆiz birgemiz» رەسپۋبليكالىق اكتسياسى اياسىندا مۇقتاج جاندارعا ازىق-ت ۇلىك جەتكىزۋ جۇمىستارىمەن اينالىسقان. اكتسيا اياسىندا 270-تەن استام ەرىكتى 1155 قارت ادامنىڭ ۇيىنە مەملەكەتتەن تەگىن بولىنەتىن ءدارى-دارمەك پرەپاراتتارىن جەتكىزىپ بەرگەن.
وبلىس اكىمى بۇگىنگىدەي توتەنشە جاعدايدا قوعامدىق شارالارعا ات سالىسىپ جۇرگەن ەرىكتىلەردىڭ ەڭ الدىمەن قاۋىپسىزدىگى قورعالۋى ماڭىزدى ەكەنىنە توقتالىپ ءوتتى.
- جاستاردى بارلىق قورعانىش قۇرالدارىمەن قامتاماسىز ەتۋ قاجەت, ەرىكتىلەردى تولىق جابدىقتاۋ كەرەك, – دەدى ءوڭىر باسشىسى.
سونداي-اق, وبلىس اكىمى بيىل ەلدى مەكەندەردى كوگالداندىرۋ بويىنشا بارلىق جۇمىستار ۋاقىتشا شەگەرىلگەنىن, ال توتەنشە جاعداي كەزىندە قوقىستان تازارتۋ جۇمىستارىن كوممۋنالدىق كاسىپورىندار اتقاراتىنىن ايتتى.
قوستاناي وبلىسى
