وڭىردە قازىر 18 ءتۇرلى الەۋمەتتىك ماڭىزى بار ازىق-ءتۇرىنىڭ 4299 تونناسىن ساتىپ الۋ ءۇشىن وبلىستىق بيۋدجەتتەن 882 ملن تەڭگە قارجى بولىنگەن. قويمالاردا 1983 توننا ءونىم بار. بۇل ونىمدەر نەگىزىنەن الەۋمەتتىك دۇكەندەر ارقىلى ساتىلادى.
وبلىس باسشىسىنىڭ ورىنباسارى كوكتەمگى ەگىس جۇمىستارىنا دايىندىق بارىسىن دا بايان ەتتى.
قازىرگى احۋالعا قاراماستان ەگىس جۇمىستارى كەستەدەن كەشىكتىرىلمەي جۇرگىزىلەدى. بيىل ەگىس جالپى كولەمى 183 مىڭ گەكتارعا جوسپارلانعان. قازىردىڭ وزىندە 27 مىڭ گەكتار القاپقا ەرتە پىسەتىن داقىلدار ەگىلدى. وسىعان دەيىن ديقاندار كۇرىشتى 88 مىڭ گەكتارعا سەبەدى دەگەن جوسپار بولعان. بىراق بيىل بولۋى مۇمكىن سۋ تاپشىلىعىنا بايلانىستى ونىڭ كولەمى وزگەرۋى مۇمكىن, – دەدى باقىت دۇيسەن ۇلى.
