قازۇۋ قۇرامىنداعى «جاڭا حيميالىق تەحنولوگيالار جانە ماتەريالدار» عزي عالىمدارى سايتاما ۋنيۆەرسيتەتىندەگى جاپوندىق ارىپتەستەرىمەن بىرلەسە وتىرىپ جاڭا ءتيىمدى دەزينفەكتسيالىق قۇرالدار مەن تەرى انتيسەپتيكتەرىن جاساۋ تەحنولوگياسىن ازىرلەگەن. ەلىمىزدىڭ مەديتسينالىق مەكەمەلەرىندە جۇرگىزىلگەن الدىن-الا سىناقتار انتيسەپتيكتىڭ جوعارى تيىمدىلىگىن كورسەتكەن.
گيگيەنالىق قورعاۋ قۇرالىنىڭ تيىمدىلىگى م. ايقىمباەۆ اتىنداعى ۇلتتىق اسا قاۋىپتى ينفەكتسيالار عىلىمي ورتالىعىنىڭ اككرەديتتەلگەن زەرتحاناسىنىڭ قورىتىندىسىمەن راستالدى.
بۇگىندە قازۇۋ عالىمدارى قازاقستاندا وسەتىن وسىمدىك ەكستراكتىلەرىن دەزينفەكتسيالاۋ قۇرالدارى مەن تەرى انتيسەپتيكتەرىنىڭ قۇرامىندا پايدالانۋ بويىنشا زەرتتەۋلەر جۇرگىزۋدە. حيميالىق كومپونەنتتەردى وسىمدىك سىعىندىلارىنا ءىشىنارا اۋىستىرۋ ءتيىمدى جانە قولدانۋعا ىڭعايلى جاڭا پرەپاراتتاردى شىعارۋعا مۇمكىندىك بەرمەك.
الماتى
