قالادا «دوستىق» جانە «سارىارقا» مەترو ستانساسى جەلىلەرءىنىڭ قۇرىلىس جۇمىستارىنا 250 جۇمىسشى تارتىلعان. سونىمەن قاتار, رىسقۇلوۆ داڭعىلى مەن ەمتسوۆ كوشەسىنىڭ قيىلىسىنداعى جول ايرىعىنىڭ قۇرىلىسى دا قىزا تۇسكەن. بۇل جۇمىسقا 53 قۇرىلىسشى جۇمىلدىرىلىپتى.
سونداي-اق قالانىڭ ورتالىق كوشەسى اباي داڭعىلىن ۇزارتۋعا 20 جۇمىسشى تارتىلعان.
سونىمەن قوسا قالانىڭ بىرقاتار اۋداندارىنداعى جولداردى قالپىنا كەلتىرۋ ءىسى قولعا الىنىپ وتىر. الاتاۋ اۋدانىنداعى جاڭا جولداردىڭ قۇرىلىسىنا 115 جۇمىسشى ات سالىسۋدا.
- شاڭىراق-2, ۇزىندىعى - 10,9 كم, اياقتالۋ مەرزىمى - وسى جىلدىڭ تامىز ايى, قامتۋ - 18440 تۇرعىن;
- ايگەرىم-1, ۇزىندىعى - 6 كم, اياقتالۋ مەرزىمى - وسى جىلدىڭ مامىر ايى, قامتۋ - 10300 تۇرعىن;
- ۇلجان-1, ۇزىندىعى - 12,6 كم, اياقتالۋ مەرزىمى - وسى جىلدىڭ قازان ايى, قامتۋ - 8000 تۇرعىن;
- ترۋدوۆيك, ۇزىندىعى - 18,2 كم, اياقتالۋ مەرزىمى - وسى جىلدىڭ قاراشا ايى, قامتۋ - 6000 تۇرعىن;
ايگەرىم-2, ۇزىندىعى 6 كم, اياقتالۋ مەرزىمى - وسى جىلدىڭ قىركۇيەك ايى, قامتۋ - 12,600 تۇرعىن.
«جۇمىسشىلاردىڭ سانيتارلىق-قورعانىس شارالارىن ساقتاۋ ءۇشىن جوندەۋ-قۇرىلىس جۇمىستارىنىڭ بارلىق قاتىسۋشىلارى ماسكالارمەن, سونداي-اق انتيسەپتيكالىق زاتتارمەن قامتاماسىز ەتىلگەن.وسى جىلدىڭ سوڭىنا دەيىن الاتاۋ اۋدانىنىڭ 7 شاعىناۋدانىندا ۇزىندىعى 84 شاقىرىم بولاتىن جاڭا جولدىڭ قۇرىلىسى اياقتالادى. سونىمەن قاتار ۇزىندىعى 67,4 شاقىرىم بولاتىن 18 شاعىناۋداندا ورتاشا جوندەۋ جۇمىستارىن جۇرگىزۋ جوسپارلانعان. 5 مولتەك اۋداندا: «سامعاۋ», «وجەت», «شاڭىراق-5», «العاباس», «شاپاعاتتا» جاڭا جولدىڭ كۇردەلى قۇرىلىسىنىڭ جوبالىق-سمەتالىق قۇجاتتارىن ازىرلەۋ جۇمىستارى جۇرگىزىلۋدە. جوبالىق-سمەتالىق قۇجاتتامانى اياقتاۋ مەرزىمى 2020 جىلدىڭ 2 توقسانىنا جوسپارلانعان», دەپ حابارلادى اكىمدىكتىڭ ءباسپاسوز قىزمەتى.
