اۆياتسيا سالاسىنىڭ اۋەسقويلارى الەۋمەتتىك جەلىدە اۋە كەمەسىنىڭ الماتىعا ايالداعانىن جارىسا جازدى. ەستە بولسا, اتى اڭىزعا اينالعان ۇشاق بۇعان دەيىن دە الماتى حالىقارالىق اۋەجايىنا ەكى مارتە توقتاعان. كوكتى تىلگەن اسپان سامۇرىعى الاتاۋ باۋرايىنا سوڭعى رەت 2015 جىلدىڭ جەلتوقسان ايىندا دامىلداعان ەدى. ۋكراينا كولىك ستراتەگياسى ورتالىعى حابارلاعانداي, بۇل – ان-225 «مريانىڭ» 2018 جىلدىڭ كۇزىنەن بەرگى العاشقى ساپارى.
ايگىلى بورت بۇل جولى قىتايدىڭ تيانتسزين اۋەجايىنان كورونوۆيرۋس پاندەمياسىنا قارسى كۇرەس قۇرالدارى مەن مەديتسينالىق جابدىقتار تىزبەگىن جەتكىزۋ ءۇشىن جولعا شىققان.
«الەمدەگى ەڭ ءىرى جۇك كولىگى قىتايدان 7 ملن ر2 ماسكاسى مەن ءجۇز مىڭداعان قورعانىس كوستيۋمدەرىن جەتكىزبەك. جەتكىزۋ وپەراتسياسىن KGHM Polska Miedź جانە Grupa Lotos پولشالىق كومپانيالارى ۇيىمداستىرىپ وتىر» دەدى اۋەجاي قىزمەتى.
1984-1988 جىلدارى كيەۆ مەحانيكالىق زاۋىتىندا جوبالانعان اسا اۋىر جۇك تاسىمالداۋشى ۇشاقتى و.ك. انتونوۆ اتىنداعى تاجىريبەلىك-كونسترۋكتورلىق بيۋرو جاساپ شىعارعان. ساعاتىنا 850 شاقىرىمدى ارتقا تاستايتىن ان-225 «مريا» العاش رەت اۋەگە 1988 جىلدىڭ جەلتوقسان ايىندا كوتەرىلگەن.
