ەكى ادامنىڭ ءبىرى 46 جاستاعى ايەل. ول 3 ناۋرىزدا 2 جاقتى پوليسەگمەنتارلى پنەۆمونيا, تىنىس الۋ جەتىسپەۋشىلىگىنە بايلانىستى اۋىر اعىمى دياگنوزىمەن اۋرۋحاناعا تۇسكەن. تىنىس الۋى قيىنداپ, قاقىرىقتى جوتەل مەن السىزدىك مازالاعان ناۋقاستان ارتىنشا قاۋىپتى ىندەت انىقتالعان بولاتىن.
ەكىنشى پاتسيەنت 1955 جىلى تۋعان. ونىڭ دا بويىندا ءدال وسىنداي اۋرۋ بەلگىلەرى بولعان.
«جانساقتاۋ بولىمشەسىندە ەكەۋىنە دە كورونوۆيرۋستىق ينفەكتسيانى دياگنوستيكالاۋ جانە ەمدەۋ حاتتاماسىنا سايكەس ۆيرۋسقا قارسى, باكتەرياعا قارسى تەراپيا جۇرگىزىلدى. سونىمەن قاتار, كەلەسى وكسيگەنوتەراپيا, ءينۆازيۆتى ەمەس ءوجج, كەۋدە قۋىسىنىڭ اپپاراتتىق ۆيبروماسساجى جانە باسقا دا ەمدەۋ شارالارى جۇرگىزىلدى. ەمدەلۋ كەزىندە وزدەرىن جاقسى سەزىنگەندەرى, ەنتىگۋ مەن السىزدىكتەرى ازايۋى سياقتى وڭ وزگەرىستەرمەن پاتسيەنتتەر ادەتتەگى بولىمشەگە اۋىستىرىلدى», – دەدى الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلداەۆ.
قازىرگى ۋاقىتتا ينفەكتسيالىق ستاتسيوناردا الماتى وبلىسىنان كەلگەن پاتسيەنتتى قوسا العاندا, كوروناۆيرۋسى بار 99 ادام ەمدەلىپ جاتىر.
70 ناۋقاستىڭ جاي-كۇيى – قاناعاتتانارلىق, جەتى ادامنىڭ جاي-كۇيى – اۋىر, 22 پاتسيەنتتىڭ جاعدايى (1 وبلىستىق) – اۋىرلىقتىڭ ورتاشا دارەجەسىندە.
