الايدا بۇل شەشىم وندىرىستىك وبەكتىدەگى وقىس وقيعانى, اپات سالدارىنان بولعان جازاتايىم وقيعانى تەرگەپ-تەكسەرۋدى, سونداي-اق ليتسەنزياردىڭ سۇراتۋى بويىنشا سۋبەكتىگە (وبەكتىگە) بارۋمەن پروفيلاكتيكالىق باقىلاۋ ارقىلى رۇقسات (ليتسەنزيا) بەرگەنگە دەيىن رۇقساتتىق باقىلاۋدى جانە قر كاسىپكەرلىك كودەكسىندە كوزدەلگەن نەگىزدەر بويىنشا جوسپاردان تىس تەكسەرۋلەرگە قاتىستى ەمەس (توتەنشە جاعداي رەجيمى اياقتالعانعا دەيىن).
ايتا كەتەتىن جايت, اعىمداعى جىلعى 23 ناۋرىزدا وتكەن توتەنشە جاعداي جونىندەگى مەملەكەتتىك كوميسسيانىڭ وتىرىسى بارىسىندا مەملەكەت باسشىسى باقىلاۋشى ورگاندار تاراپىنان بيزنەسكە قىسىم جاساۋعا جول بەرمەي, قۇقىق بۇزۋشىلىقتىڭ الدىن الۋعا باسا نازار اۋدارا وتىرىپ, جۇمىس ادىستەرىن قايتا قاراۋدى تاپسىرعان بولاتىن. وسىعان وراي اۋماقتىق دەپارتامەنتتەرگە جۇكتەلگەن جۇمىس تولىق كولەمدە ورىندالادى, سونداي-اق, قاۋىپتى وندىرىستىك وبەكتىلەردەگى ونەركاسىپتىك قاۋىپسىزدىك جاعدايىنا مونيتورينگ جۇرگىزىلەدى.
مەملەكەتتىك قاداعالاۋ جۇيەسى قاۋىپتى وندىرىستىك وبەكتىلەردەگى وقىس وقيعالار كەزىندە تۋىندايتىن قاۋىپتى وندىرىستىك فاكتورلاردىڭ زياندى اسەرىنىڭ الدىن الۋعا باعىتتالعان. وسى باعىتتا بيىل جىل باسىنان بەرگى كەزەڭدە ونەركاسىپتىك كاسىپورىنداردا 369 تەكسەرۋ جۇرگىزىلىپ, ناتيجەسىندە 6604 بۇزۋشىلىق انىقتالدى. سونىمەن قاتار, 100 قاۋىپتى وندىرىستىك نىساننىڭ جۇمىسى توقتاتىلدى.
