قازاقستان رەسپۋبليكاسى پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا وتىرىسىنىڭ 3 ساۋىردەگى حاتتاماسىنىڭ (№9 حاتتاما) شەشىمى بويىنشا, وبلىستار, نۇر-سۇلتان, الماتى جانە شىمكەنت قالالارىنىڭ اكىمدىكتەرىنە ينفەكتسياعا قارسى كۇرەسكە تارتىلعان «كارانتيندىك» ايماقتا جۇرگەن بارلىق قىزمەتكەردى تاماقپەن قامتىپ, تۇرمىستىق جاعداي جاساۋ جانە ولاردى تاسىمالداۋ تۋرالى تاپسىرما بەرىلگەن بولاتىن, الايدا 10 ساۋىردەگى جاعداي بويىنشا بۇل پارمەندى بارلىق ءوڭىر ورىنداماعان.
ماسەلەن, وڭىرلەردەن تۇسكەن دەرەكتەرگە سۇيەنسەك, 8 ايماقتا (اقمولا, الماتى, اتىراۋ, شقو, قوستاناي, قىزىلوردا, ماڭعىستاۋ, تۇركىستان) ينفەكتسيالىق ستاتسيونارلارداعى مەديتسينا قىزمەتكەرلەرى 100 پايىز مەديتسينالىق مەكەمەلەر مەن ۇيدە قالادى. مەمكوميسسيانىڭ شەشىمى 4 وڭىردە (قاراعاندى وبلىسى, نۇر-سۇلتان ق, پاۆلودار, شىمكەنت ق.) ءىشىنارا, ال 5 وڭىردە (اقتوبە, جامبىل, بقو, سقو, الماتى ق.) تولىق ورىندالۋدا.
ءۇش ايماقتا (اتىراۋ, جامبىل, قىزىلوردا وبلىستارى) پروۆيزورلىق ستاتسيونارلارداعى مەديتسينا قىزمەتكەرلەرى 100 پايىز مەدۇيىمدار مەن ۇيدە قالادى. مەملەكەتتىك كوميسسيانىڭ شەشىمى 12 وڭىردە (اقتوبە, اقمولا, الماتى, شقو, بقو, قوستاناي, ماڭعىستاۋ, تۇركىستان, قاراعاندى وبلىسى, پاۆلودار, نۇر-سۇلتان ق., شىمكەنت ق.) ءىشىنارا ورىندالۋدا, 2 ءوڭىر (سقو, الماتى ق.) تولىعىمەن ورىنداۋدا.
10 ايماقتا (الماتى, اتىراۋ, شقو, جامبىل, بقو, قوستاناي, قىزىلوردا, سقو, شىمكەنت ق., نۇر-سۇلتان ق.) كارانتيندىك ستاتسيونارلار بويىنشا مەديتسينا قىزمەتكەرلەرى 100 پايىز مەدۇيىمدار مەن ۇيدە قالادى. مەمكوميسسيانىڭ شەشىمىن 1 ءوڭىر (الماتى ق.) تولىق ورىنداۋدا.
قر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا وتىرىسىنىڭ 3 ساۋىردەگى حاتتاماسىمەن (№9 حاتتاما) مىنا سىلتەمەگە ءوتىپ تانىسا الاسىز:
