«توتەنشە ەشتەڭە جوق. ءبىزدىڭ سالامىز كونسەرۆاتيۆتى. كوروناۆيرۋسقا قاراماستان, سيىرلار ساۋىلىپ جاتىر. سوندىقتان ءسۇت ونىمدەرىنىڭ ساتۋ باعالارىن ەشكىم وزگەرتكەن جوق. ولار سول كۇيىندە قالادى», دەپ اتاپ ءوتتى ۆلاديمير كوجەۆنيكوۆ.
سونىمەن بىرگە ۆلاديمير كوجەۆنيكوۆ كوروناۆيرۋستىڭ تارالۋىنا بايلانىستى كوپتەگەن ەلدەردە بايقالعان توتەنشە جاعداي قازاقستاندا ءسۇت ونىمدەرىن وندىرۋگە كەرى اسەرىن تيگىزۋى مۇمكىن ەكەنىن دە جوققا شىعارمادى.
كارانتين ەكى ايدان استام ۋاقىتقا سوزىلسا, ماتەريالداردى جەتكىزۋگە كەدەرگى بولۋى مۇمكىن. «بىزدە اشىتقى, وراۋىشتىڭ بارلىعى دەرلىك شەتەلدەن كەلەدى. رەسەيمەن شەكارالار جابىلماسا دا ءوندىرىستىڭ تومەندەۋى مۇمكىن. الدىمەن ولار ءوز كاسىپورىندارىن قاجەتتىنىڭ بارىمەن قامتاماسىز ەتۋگە تىرىسادى. سوندىقتان ءبىز تەك ءوز رەسۋرستارىمىزعا سۇيەنۋىمىز كەرەك. قازاقستانداعى ءسۇتتى وڭدەيتىن كومپانيالاردىڭ جانىنان ءسۇت اشىتقىسى نەمەسە ءسۇت وراماسىن دايىنداۋعا باسا كوڭىل ءبولۋ كەرەك. مۇنى سۋبسيديا ارقىلى شەشۋگە بولادى», دەدى كوجەۆنيكوۆ.
سونىمەن بىرگە, ول قازاقستاننىڭ ءسۇت نارىعىنداعى باعانىڭ تۇراقتىلىعىمەن تىكەلەي بايلانىستى تاعى ءبىر ماڭىزدى فاكتورعا نازار اۋدارىپ ءوتتى. كارانتيندىك رەجيم ەنگىزىلگەنىنە قاراماستان, قازاقستان ەاەو-عا كىرەتىن ەلدەردەن ءسۇت ونىمدەرىن جەتكىزۋدى شەكتەگەن جوق. ناتيجەسىندە, بۇرىنعىداي قىرعىزستان مەن بەلارۋسسيادان ءسۇت پەن قايماق بۇرىنعىداي ارزان باعادا جەتكىلىكتى تۇردە كەلىپ جاتىر.
ونىڭ ايتۋىنشا, قازاقستاندىق تاۋار وندىرۋشىلەر ءسۇت ونىمدەرىنە سۇرانىستىڭ 80 پايىزىن قامتاماسىز ەتەدى. جەتپەگەنى يمپورتپەن جابىلادى. «رەسپۋبليكا تەرەڭ قايتا وڭدەۋ ونىمدەرىنە: ءسۇت ۇنتاعى, ىرىمشىك, ءىشىنارا يوگۋرت جانە بالمۇزداق يمپورتىنا تاۋەلدى بولىپ قالا بەرەدى. سوندىقتان, جالپى العاندا, قازاقستان جىل سايىن شيكى ءسۇت مولشەرى بويىنشا 450 مىڭ توننا ءسۇت ونىمدەرىن يمپورتتايدى. نەگىزگى سەبەپ - شيكى ءسۇتتىڭ جەتىسپەۋى. بۇل جەرگىلىكتى وڭدەۋ زاۋىتتارىن قىس مەزگىلىندە ءوندىرىستى توقتاتۋعا ءماجبۇر ەتەدى. قازىر كارانتين كەزىندە ءبىز بۇل ماسەلەلەردى ويلاۋعا شامامىز كەلىپ جاتقان جوق. بىراق كارانتينەن كەيىنگى كەزدى دە ويلايىق. ەگەر شەكارالار جابىلا بەرسە, وندا تەرەڭ قايتا وڭدەۋ ونىمدەرىن وندىرۋگە نازار اۋدارۋ قاجەت» دەيدى ول.
كوجەۆنيكوۆ, بۇل تۇرعىدا داعدارىسقا وپتيميستىك كوزقاراسپەن قاراۋعا سەبەپ بارىن ايتىپ ءوتتى. «پەتروپاۆل ءسۇت وداعى» جشس قازىر ىرىمشىك پەن ىرىمشىك ونىمدەرىن شىعارۋمەن شۇعىلدانادى. ونى جاڭا يەسى ساتىپ الىپ, كاسىپورىننىڭ قايتا جابدىقتالۋىن قولعا الىپتى. ول ۋكراينادان ىرىمشىك ونىمدەرىن قازاقستاننان تولىق شىعارۋدى جوسپارلاپ وتىر. «بۇل قالاي بولادى - ءبىز كورەمىز. ەڭ باستىسى, قارجى جانە ناقتى جۇمىس بار. ەڭ باستىسى مۇمكىندىكتى پايدالانىپ قالۋعا نيەت بار» دەپ ءسوزىن تۇيىندەدى ول.
الماتى
