كەشە مەملەكەت باسشىسى قاسىم-جومارت توقاەۆ توتەنشە جاعداي جونىندەگى مەملەكەتتىك كوميسسيانىڭ كەزەكتى وتىرىسىندا الەۋمەتتىك جاردەماقى الۋ ءۇشىن بانكتەردە ەسەپ اشۋ ماسەلەسى قيىندىق تۋدىرىپ جاتقانىن ايتىپ, ۇكىمەتكە تولەم كارتالارىن قاشىقتان الۋ ماسەلەسىن 3 كۇن ىشىندە شەشۋدى تالاپ ەتكەن ەدى.
بۇگىن «قازپوشتا» اق باسقارما توراعاسى ساكەن سارسەنوۆ Kazpost Virtual قىزمەتىن ىسكە قوسقاندارىن, 1000-نان استام ۆيرتۋالدى كارتا شىعارىپ ۇلگەرگەندەرىن حابارلادى.
بۇل قىزمەت قازىر post.kz سايتىندا جانە AppStore-دە قولجەتىمدى. ال Playmarket-تە جاڭارتۋدى كۇتىپ وتىر. ەندى كەز كەلگەن ازامات سمارتفوننان ۇيدەن شىقپاي-اق ونلاين تۇردە تولەم كارتالارىنا جانە شوت اشۋعا تاپسىرىس بەرە الادى.
– جاردەماقى ءبولۋ تۋرالى شەشىم تەز قابىلدانىپ, حالىققا تاراتۋ جولدارى دا اسىعىس قاراستىرىلدى. حالىققا ارنايى شوتتار اشۋدىڭ نەگىزگى اۋىرتپالىعى قازپوشتاعا ءتۇستى. جاسىراتىنى جوق, اۋداندار مەن اۋىلداردا اقشا اۋدارۋعا, تولەمدەردى تولەۋگە, كارتا اشۋعا بولاتىن جالعىز مەكەمە – قازپوشتا. ءبىز, ەڭ الدىمەن, الەۋمەتتىك باعدارلانعان كومپانيا ەكەنىمىزدى جانە ارقاشان ءبىزدىڭ ازاماتتارىمىزدىڭ مۇددەلەرىنە ساي ارەكەت ەتەتىنىمىزدى قايتالاۋدان ەشقاشان شارشامايمىن. وسى كۇندەرى ءبىزدىڭ ءارىپتەستەرىمىز ەلىمىزدىڭ بارلىق ايماقتارىندا جۇمىسقا شىعىپ ەلدىڭ زەينەتاقى مەن جاردەماقىلارىن ۇيلەرىنە جەتكىزىپ بەرۋمەن قاتار, الەۋمەتتىك تولەمگە قۇقىقتارى بار ازاماتتارعا ارنايى شوتتاردى اشىپ بەرۋدە. سوڭعى 11 كۇندە ءبىز تەك بجت ماسەلەلەرى بويىنشا 464 مىڭعا جۋىق ازاماتقا قىزمەت كورسەتتىك. 285 177 شوت اشىپ, 300 193 ادامنان بجت قابىلدادىق. قازپوشتا ارقىلى 45 000 ادام 42 500 تەڭگە كولەمىندەگى الەۋمەتتىك تولەماقىسىن الدى, – دەدى ساكەن سارسەنوۆ.
قازپوشتانىڭ IT جانە قارجىلىق قىزمەتتەر دەپارتامەنتتەرىندەگى قىزمەتكەرلەرى ءبولىمشەلەرگە كەلمەي-اق, ونلاين رەجيمدە بانكتىك شوت اشۋعا مۇمكىندىك بەرەتىن جۇيەنى تەز ارادا ىسكە قوسۋدى قولعا العان. ۆيرتۋالدى كارتا تەگىن اشىلادى جانە پايدالانعا اقى تالاپ ەتپەيدى.
Kazpost Virtual كارتاسىن زەينەتاقى, جاردەماقى جانە اليمەنتتەردى الۋدان باسقا, ينتەرنەت ارقىلى تاۋارلاردى قاۋىپسىز ساتىپ الۋعا پايدالانۋعا بولادى. AliExpress-تەگى ءاءربىر تاۋارعا 1,5%, ال باسقا ينتەرنەت-دۇكەندەردەگى تاۋارعا 1% سashback قايتارىلادى.
سونداي-اق, كazpost Virtual كارتاسىنىڭ كومەگىمەن post.kz سايتىندا كوممۋنالدىق تولەمدەردى, ءارتۇرلى مەكەمەلەردىڭ قىزمەتتەرىن تولەۋگە, اقشانى كارتادان كارتاعا اۋىستىرۋعا بولادى.
