اركانزاس ۋنيۆەرسيتەتىنىڭ عالىمدارى وسى ءۇردىستى موللەكۋليارلىق دەڭگەيدە زەرتتەگەن. كۇمىستىڭ باكتەريانى جويۋىن موللەكۋليارلىق دەڭگەيدە زەرتتەگەن فيزيكا دوتسەنتى يونگ ۆان ارىپتەستەرىمەن بۇل باعىتتاعى عىلىمي جۇمىستارعا جاڭاشا كوزقاراسپەن قاراپ, زامانۋي جەتىلدىرىلگەن زەرتتەۋ نىساندارىن پايدالانعاندىعىن ايتادى.
ناتيجەسىندە زەرتتەۋشىلەر كۇمىس يوندارىنىڭ باكتەريالاردى جوياتىن ەرەكشەلىگىن انىقتاعان. كۇمىس يوندارى باكتەريالاردا دنق جۇپ تالشىقتارىن بولۋگە ىقپال ەتكەن. ناتيجەسىندە دنق مەن بەلوك اراسىنداعى بايلانىس السىرەگەن. اقۋىز دنق-مەن بىرگە بولعان جاعدايدا, ول باياۋ جىلجيدى. ال كۇمىس قوسىلعان كەزدە اقۋىزدار دنق-دان اجىراپ, وزدىگىنەن قوزعالعان. دوتسەنت يونگ ۆان وسى جوبا اياسىندا كوز جەتكىزگەن مالىمەتتەردى پايدالانۋ ءۇشىن كۇمىس نانوبولشەكتەرى نەگىزىندە انتيبيوتيكتەر ازىرلەۋ قاجەتتىگىن ۇسىنىپ وتىر.
