تاجىريبە كورسەتكەندەي, ءتورت قابىرعاعا ەرىكسىز ء«وزىن-ءوزى قاماۋ», ادامداردىڭ ءوز قالاۋلارى بويىنشا تاتۋلاسۋىنا ىقپال ەتپەيدى. ۋاقىت ءوز دەگەنىنە كوندىرەدى. ادامداردىڭ ءماجبۇرلى تۇردە ءوزىن-ءوزى وقشاۋلاۋى ادەتتەگى ءومىر سالتى مەن ىرعاعىنىڭ بۇزىلۋىنا, دوستارىمەن ۋاقىت وتكىزۋ مۇمكىندىگىنىڭ بولماۋىنا, سەرۋەنگە شىعۋعا مۇمكىندىك بەرمەۋىنە اكەپ سوقتى. بۇل كەيبىر تۇرعىنداردىڭ اشۋ-ىزاسسىن تۋعىزىپ, ولاردى تج رەجيمىن بۇزۋعا, اكىمشىلىك قۇقىق بۇزۋشىلىق جاساۋعا يتەرمەلەيدى. ۋاكىلەتتى ورگاندار وسىنداي بۇزۋشىلىقتاردىڭ جولىن كەسەدى, ال ءتارتىپ بۇزعاندار جاۋاپقا تارتىلادى. ارينە, مۇنداي شارالاردىڭ سەبەبى بار, ويتكەنى ۆيرۋستىڭ تارالماۋىنا, قازاقستاندىقتاردىڭ دەنساۋلىعى مەن ءومىرىن قورعاۋعا باعىتتالعان.
اعىمداعى جىلعى 16 ناۋرىزدان باستاپ رەسپۋبليكا سوتتارىنا تج رەجيمىن بۇزۋعا بايلانىستى 3145 اكىمشىلىك قۇقىق بۇزۋشىلىق تۋرالى ءىس كەلىپ ءتۇستى, ونىڭ ىشىندە 3119 ءىس قارالدى, 63 ءىس توقتاتىلدى. وسى ىستەردىڭ باسىم بولىگى اقبتك-ءنىڭ 476-بابى بويىنشا قارالدى. وڭىرلەر بويىنشا مۇنداي ىستەردىڭ ەڭ كوبى الماتى, نۇر-سۇلتان قالالارى, تۇركىستان, قاراعاندى جانە الماتى وبلىستارى سوتتارىندا قارالدى.
تاعايىندالعان جازا تۇرلەرى بويىنشا ەڭ كوپ ايىپپۇل – 1875 (5-تەن 10 اەك-كە دەيىن), 1077 (10 تاۋلىككە دەيىن) جانە 104 ەسكەرتۋ تاعايىندالدى.
سالىستىرمالى تۇردە باسقا ەلدەردىڭ زاڭناماسىنا سايكەس قولدانىلاتىن وسىنداي شارالاردى مىسالعا كەلتىرەيىك:
فرانتسيادا كارانتيندىك شارالاردى ءبىر جولعى بۇزۋ 135 ەۋرو, ال 15 كۇن ىشىندە قايتالانۋى 1500 ەۋرو ايىپپۇل سالۋعا اكەپ سوعادى. ەگەر ادام ءبىر اي ىشىندە كارانتيندى 4 جانە ودان دا كوپ رەت بۇزسا, وعان 6 ايعا تۇرمەگە قاماۋ جانە 3500 ەۋرو ايىپپۇل سالىنادى.
يتاليادا ايىپپۇل 400-دەن 3000 ەۋروعا دەيىن, تۇرمەگە قاماۋ مەرزىمى 3 ايعا دەيىن.
قىتايدا مىندەتتى كارانتيندى بۇزعانى ءۇشىن ءولىم جازاسى قولدانىلۋى مۇمكىن.
سينگاپۋردا ءوزىن-ءوزى وقشاۋلاۋدى العاش رەت بۇزعانى ءۇشىن ايىپپۇل 10 مىڭ سينگاپۋر دوللارىن قۇرايدى. ال بىزگە كورشى رەسەيدە كارانتيندى بۇزعانى ءۇشىن جەكە تۇلعا 15 – تەن 40 مىڭ رۋبلگە دەيىن, زاڭدى تۇلعالار 200-دەن 500 مىڭ رۋبلگە دەيىن ايىپپۇل تولەيدى.
سوڭعى كۇندەرى قۇقىق بۇزۋشىلار مەن جەكەلەگەن ادامدار تاراپىنان وسىنداي ىستەر بويىنشا جازانى جەڭىلدەتۋ قاجەت دەگەن پىكىرلەر باستادى, ءتىپتى سوتتاردىڭ قاماۋتۋرالى شىعارعان قاۋلىلارىنىڭ كۇشىن جويۋ تالاپتارى دا بار.
سوتتار سوت تورەلىگىن ينتەرنەتتە, Instagram نەمەسە Facebook جەلىلەرىندە ەمەس, زاڭدا بەلگىلەنگەن راسىمدەرگە سايكەس جۇزەگە اسىرادى. اقبتك-ءنىڭ 23-بابىندا بەلگىلەنگەن پروتسەستىك شەشىمدەردى داۋلاۋ جانە پروتسەستىك ارەكەتتەرگە شاعىم جاساۋ ەركىندىگى قاعيداتى سوت قاۋلىسىنا جانە پروتسەستىك نورمالارعا سايكەس شاعىم جاساۋعا مۇمكىندىك بەرەدى. وسىنداي قاۋلىلارعا شاعىمدار تۇسكەندە نەمەسە پروكۋروردىڭ ءوتىنىشحاتتارى بولعان جاعدايدا عانا جوعارى ساتىداعى سوتتار ءبىرىنشى ساتىداعى سوتتار شىعارعان قاۋلىلاردى قايتا قاراۋ قۇقىعىنا يە بولادى.
ەگەر اپەللياتسيالىق نەمەسە كاسساتسيالىق ساتىلار تومەنگى سوتتىڭ شەشىمدى زاڭسىز قابىلداعان جاعدايدا, مۇنداي سوت قاۋلىلارىنىڭ, ءسوزسىز, كۇشى جويىلادى نەمەسە وزگەرتىلەدى. مۇنداي جۇمىس اپەللياتسيالىق سوتتار مەن جوعارعى سوت قىزمەتىنىڭ ءمانىن بىلدىرەدى ءارى ولاردى كۇندەلىكتى, ۇزدىكسىز جۇزەگە اسىرادى.
