وبلىس ورتالىعىنداعى «ساپارجاي-اۆتوۆوكزال» جشس-نىڭ مالىمەتىنشە, قازىر وبلىستىڭ اۋدان ورتالىقتارى, اقسۋ, ەكىباستۇزبەن اۆتوبۋس بايلانىسى بار.
بىراق, جولاۋشىلار سانى بىرنەشە ەسەگە تومەندەگەن.
بۇگىندە اۆتوۆوكزالدا 3 ديسپەتچەر, 4 كاسسير, كۇزەتشىلەر عانا قالعان
پاۆلوداردان رەسەيدىڭ كورشىلەس وڭىرلەرىنە, نۇر-سۇلتان, قاراعاندى, وسكەمەن قالالارىنا باراتىن اۆتوبۋستار باعىتى توقتالدى.
بۇعان دەيىن ەكىباستۇز قالاسىنا كۇنىنە 19 اۆتوبۋس جولعا شىقسا, قازىر 6 اۆتوبۋس جۇرۋدە.
سونداي-اق, اقسۋ قالاسىنا دا كۇنىنە 45 شاعىن اۆتوبۋس جۇرەتىن بولاتىن بولسا,قازىر قالعانى 11 اۆتوبۋس.
ال, اۆتوۆوكزال قىزمەتكەرلەرى اقىسىز دەمالىسقا جىبەرىلگەن. ولارعا ناۋرىز ايىنىڭ ەڭبەكاقىسى تولەندى.
ولارعا مەملەكەت تاراپىنان بەرىلەتىن الەۋمەتتىك كومەك – 42500 تەڭگەنى الۋ ءۇشىن جۇمىسپەن قامتۋ ورتالىعىنا ءتيىستى قۇجاتتارى جولدانعان.
