36 جاستاعى كانادانىڭ ونتاريو پروۆينتسياسىنىڭ تۋماسى بىلتىرعى ماۋسىمدى ۇلىبريتانيانىڭ «شەففيلد ستيلەرس» كلۋبىندا باستادى. بەس ويىندا ول ءبىر گول سوعىپ, ءبىر مارتە ناتيجەلى پاس بەردى. ماۋسىم اياقتالماي جاتىپ, سلوۆكياعا ساپار شەكتى. ول جاقتا دا سەن-پەر ايشىقتى ونەرىمەن كوزگە ءتۇستى. سول ارالىقتا «شەففيلد ستيلەرس» جارىس جەڭىمپازى اتاندى. ال ايتۋلى كوماندا ساپىندا بىرنەشە كەزدەسۋ وتكىزگىندىكتەن قازاقستاندىق شابۋىلشىعا دا جوعارىدا اتالعان جۇلدە بۇيىردى.
2015-2018 جىلدار ارالىعىندا ماترەن سەن-پەردىڭ نۇر-سۇلتاننىڭ «بارىسىنىڭ» نامىسىن قورعاعانىن جانكۇيەرلەر ۇمىتا قويعان جوق. ءۇش ماۋسىمدا ول 85 (27 گول+58 پاس) ۇپاي جيدى. سونىمەن قوسا, كانادالىق حوككەيشى قازاقستان ۇلتتىق قۇراما ساپىندا دا ناتيجەلى ويىنىمەن كورەرمەندەردى قۋانتتى.
