جۇما كۇنگى العاشقى ونلاين-جيىن تۇنگى ساعات 23.50-دە الماتىدا جاساندى وكپە جەلدەتكىشىندە اۋىر جاعدايدا جاتقان 1956 جىلعى ايەل ادامنىڭ قايتىس بولعانى تۋرالى جايسىز حاباردان باستالعانى بەلگىلى.
بۇگىن كەشكى ساعات 18.30 كەزىندە 1963 جىلى تۋعان ەر ادام كوروناۆيرۋستىق ينفەكتسيادان كوز جۇمدى.
مارقۇم بۇرىن ىندەت جۇقتارعاندارمەن بايلانىستا بولعان. 29 ناۋرىزدا «ەكى جاقتى پوليسەگمەتارلى پنەۆمونيا» دياگنوزىمەن جەدەل جاردەم ارقىلى ستاتسيونارعا جەتكىزىلگەن جانە وسى جەردە بىردەن ىندەتكە اناليز الىنعان.
1 ساۋىردە جاعدايىنىڭ ناشارلاۋىنا بايلانىستى وكپەءنىڭ جاساندى جەلدەتكىشى اپاراتىنا قوسىلعان.
«قارقىندى ەم-دوم جۇرگىزىلگەنىنە قاراماستان, تىنىس جولدارىنىڭ دەرتى, قان-تامىرلارى كەسەلى مەن ءجىتى بءۇيرەك جەتكىلىكسىزدىگى ءورشي تۇسكەن. سونداي-اق, ىندەتتىڭ اسقىنۋىنا پاتسيەنتتىڭ قانت ديابەتىنىڭ ەكىنشى ساتىسىنداعى دياگنوزى قوسارلانعان.
بۇگىن 10 ساۋىردە ورشىگەن پوليورگاندىق جەتكىلىكسىزدىكتەن كەشكى ساعات 18.00-دا جۇرەك سوعىسى توقتادى. جارتى ساعات بويى جۇرگىزىلگەن جانساقتاۋ ارەكەتتەر ءساتسىز اياقتالىپ, ساعات 18.30-دا كوز جۇمدى», دەدى الماتى قالالىق دەنساۋلىق ساقتاۋ باسقارماسىنىڭ باسشىسى تىلەۋحان ابىلداەۆ.
مارقۇممەن بايلانىستا بولعان ادامداردىڭ بارلىعى دا پروۆيزورلىق ستاتسيونارعا وقشاۋلانعان.
