ۇلىبريتانيانىڭ پرەمەر-ءمينيسترى بوريس دجونسون ءوزىنىڭ كوروناۆيرۋس جۇقتىرعانىن 27 ناۋرىزدا جاريالاعان ەدى. سودان كەيىن ءۇيىندە وقشاۋلانىپ جۇمىس ىستەگەن ول ون كۇننەن جاعدايى كۇرت ناشارلاپ, وسى اپتانىڭ باسىندا اۋرۋحاناعا جاتۋعا ءماجبۇر بولدى. كەشە ساياساتكەردى رەانيماتسيادان جاي پالاتاعا اۋىستىرعانى حابارلاندى. بوريس دجونسون جۇمىسىنا تەك ءبىر ايدان كەيىن عانا ورالا الادى.
سونداي-اق بۇل ەلدە ۋەلس حانزاداسى چارلزدىڭ Covid-19 اۋرۋىنا ۇشىراعانى تۋرالى 25 ناۋرىزدا ءمالىم بولدى. بىراق ونىڭ سىرقاتى جەڭىل بولىپ, شوتلاندياداعى بيركحولل كورولدىك ۇيىندە نەبارى جەتى كۇن وقشاۋلاندى. بۇدان كەيىن حانزادا دارىگەرلەردىڭ كەڭەسىمەن ىسكەرلىك كەزدەسۋلەرىن جالعاستىرا باستادى.
ال بۇلاردان بۇرىن 11 ناۋرىزدا ۇلىبريتانيانىڭدەنساۋلىق ساقتاۋ ءمينيسترىءنىڭ ورىنباسارى نادين دورريستان دا كوروناۆيرۋس انىقتالعان. سودان بەرى ساقتىق شارالارىن قاداعالاپ, ۇيىنەن شىقپاي وتىرعان ول twitter-دە وزىمەن بىرگە قالعان 84 جاستاعى اناسىنىڭ جاعدايىنا الاڭدايتىنىن جازدى. بۇل شەنەۋنىك ناۋرىزدىڭ باسىندا بوريس دجونسونمەن جۇزدەسكەن ەدى.
جەر جاھاندى جايلاعان ىندەت فرانتسيادا دا ءورشىپ تۇر. ەلدىڭ مادەنيەت ءمينيسترى فرانك ريەستەردەن بءىر اي بۇرىن 9 ناۋرىزدا كورونوۆيرۋس تابىلعانى جاريا بولدى. بىراق ودان اۋرۋدىڭ سيمپتومدارى بايقالماعان. دەگەنمەن باسقالارعا زيانى تيمەس ءۇشىن ۇيىندە وقشاۋلاندى. باق ونىڭ ۆيرۋستى پارلامەنت جيىنىندا جۇقتىرعانىن جازدى. ويتكەنى وندا اۋىرعان دەپۋتاتتار مەن باسقا دا قىزمەتكەرلەر بولعان.
Covid-19 ۆيرۋسىن فرانتسيانىڭ كەشەندى ەكولوگيالىق قايتا قۇرۋ ءمينيسترى جانىنداعى مەملەكەتتىك حاتشى بريۋن پۋارسون دا جۇقتىردى. ناۋقاستىڭ اينالاسىنداعىلار ونىڭ جاعدايى ءتاۋىر, ءوزىن جاقسى سەزىنەتىنىن ايتقان.
بۇل ەلدىڭ بۇرىنعى ونەركاسىپ ءمينيسترى پاتريك دەۆەدجياننىڭ ىندەت دۋشار بولعانى 26 ناۋرىزدا حابارلاندى. بىراق كوپ وتپەي 29 ناۋرىزدا ونىڭ اۋرۋى اسقىنىپ كەتىپ, 75 جاسىندا قايتىس بولدى.
وبانىڭ وتى شارپىپ تۇرعان يسپانيادا ۆيتسە-پرەمەركارمەن كالۆو دا ناۋقاستاندى. ول 22 ناۋرىزدا رەسپيراتورلىق ينفەكتسيا دياگنوزىمەن اۋرۋحاناعا جاتقىزىلىپ, ارتىنان كوروناۆيرۋس جۇقتىرعانىانىقتالعان. قازىر ساياساتكەر وقشاۋلانعان پالاتاداجاتىر.
وعان قوسا يسپانيانىڭ ەڭ جاس ساياساتكەرى, تەڭ مۇمكىندىكتەر ءمينيسترى يرەنە مونتەرو ىندەتتىڭ قۇرىعىنا ءىلىندى. 32 جاستاعى ۆەدومستۆو باسشىسى ءۇي كارانتينىنە شىعىپ, جۇمىسىن جالعاستىرۋدا.
ەۋروپادا ىندەت كەڭ تاراعان ەل – يتاليا. اتالعان مەملەكەتتە كوروناۆيرۋس جۇقتىرعان شەنەۋنىكتەردىڭ ىشىنەن العاشقىلاردىڭ ءبىرى بولىپ دەموكراتيالىق پارتيانىڭ كوشباسشىسى نيكولا دزينگارەتتيدىڭ اتى شىقتى. 54 جاستاعى ساياساتكەرءدىڭ قازىر ءحالى جاقسى ەكەن.
يتاليانىڭ دەنساۋلىق ساقتاۋ ءمينيسترىنىڭورىنباسارى پەرپاولو سيلەري كوروناۆيرۋس جۇقتىردى. ول Facebook-تە اۋىرىپ قالعان اداممەن بايلانىستا بولعانىن جانە وزىنەن اۋرۋدىڭ العاشقى سيمپتومدارىن بايقاعان ساتتەن تەست تاپسىرعانىن جازدى.
يراندا دەرتتى بولعان ساياساتكەرلەر ازايار ەمەس. Fars اگەنتتىگىنىڭ مالىمەتى بويىنشا ەلدىڭ ەكى ۆيتسە-پرەزيدەنتى ەسحاك دجاحانگيري مەن ماسۋما ەپتەكاردەن Covid-19 انىقتالعان.
وعان قوسا تۋريزم, مادەني مۇرا جانە قولونەر ءمينيسترى الي اسگارە مۋنەسانە, ساۋدا جانە ونەركاسىپ ءمينيسترى رەزە راحماني, سونداي-اق دەنساۋلىق ساقتاۋ مءينيسترىنىڭ ورىنباسارى يرادج حاريرچي ۆيرۋس جۇقتىرعان.
يران پارلامەنتىنىڭ باسشىسى الي لاريدجاني جانە پارلامەنتتىڭ 20 مۇشەسى سىرقاتتانىپ جاتىر.
وكىنىشكە قاراي, بۇل ەلدە ساراپتامالىق كەڭەستىڭ 78 جاستاعى مۇشەسى, اياتوللا حاشيم باتاي جانە جوعارى باسشىلىق جانىنداعى كەڭەسشى ورگاننىڭ مۇشەسى سەيەد موحامماد ميرميحاممادي كوروناۆيرۋستان كوز جۇمدى.
سونىمەن قاتار الەمدە كورونوۆيرۋس جۇقتىرعانداردىڭ قاتارىندا موناكونىڭ كنيازى البەر ءىى, اۋستراليانىڭ سىرتقى ىستەر ءمينيسترى پيتەر داتتون, يندونەزيانىڭ كولىك ءمينيسترى بۋدي كاريا سۋمادي سياقتى ساياساتكەرلەرءدىڭ ەسىمدەرى اتالدى.
