توتەنشە جاعداي باستالعالى بەرى تىنىم كورمەگەن پوليتسەيلەر از ۋاقىت ىشىندە ءوڭىر بويىنشا 28 ازاماتتىڭ توسقاۋىل بەكەتتەرىن اينالىپ وتكەندىگىن انىقتادى. كارانتين كەزىندە, ۇجىمدىق, وتباسىلىق جيىندارعا تىيىم سالىنسا دا جۇرتتان جاسىرىپ توي وتكىزگەندەر دە تابىلىپ وتىر. وبلىس تۇرعىندارى كەشكى 21:00-دەن تاڭعى 06:00-گە دەيىن ۇيلەرىنەن شىقپاۋى ءتيىس دەگەن تالاپتى 19 تۇرعىن بۇزعان.
تۇنگى رەيدتەر بارىسىندا وبلىس بويىنشا 425 ءدامحانا, مەيرامحانا تەكسەرىلىپ, توتەنشە جاعداي رەجىمىن بۇزعان 228 فاكتى انىقتالدى. قر اكىمشىلىك قۇقىق بۇزۋشىلىق تۋرالى كودەكسىنىڭ 476-بابىمەن اكىمشىلىك حاتتامالار تولتىرىلىپ, ءتيىستى شارا قولدانۋ ءۇشىن جيناقتالعان قۇجاتتار سوتقا جولدانعان.
سوت شەشىمىمەن 87 ادامعا ايىپپۇل سالىنىپ, كەيبىرى اكىمشىلىك قاماققا الىندى.
