وسىناۋ يگى شارانىڭ جۇزەگە اسۋىنا كوپتەگەن ازاماتتار ۇلەس قوسقان. پارتيانىڭ دەمەۋشىلىگىمەن روزا رىمباەۆا, مەيرامبەك بەسپاەۆ, ساكەن مايعازيەۆ, ارمان دۇيسەنوۆ باستاعان وتاندىق ەسترادا وكىلدەرى از قامتىلعان جانۇيالارعا 2 500 دانا ازىق-ت ۇلىك جيىنتىعىن ۇلەستىرگەن.
– «ارداگەرلەردى ارداقتايىق» پارتيالىق جوباسى اياسىندا NOMAD MMA رەسپۋبليكالىق فەدەراتسياسى 80 جاستان اسقان جالعىز باستى قارت ادامداردى ىستىق تاماقپەن تەگىن قامتاماسىز ەتۋدى ۇيىمداستىردى. ىستىق تاعامعا ءبىرىنشى جانە ەكىنشى اس, سالات, نان جانە كومپوت كىرەدى. كۇندەلىكتى 1000-عا جۋىق قارت ادام ىستىق تاماقپەن قامتىلعان, بۇگىنگى كۇندە 9 مىڭنان استام تۇسكى اس جەتكىزىلدى. سونىمەن قاتار, جاس كاسىپكەرلەر الماتى قالاسىنىڭ بارلىق 27 بلوك-بەكەتىندە جۇمىس ىستەيتىن قىزمەتكەرلەردى قولداۋعا نيەت ءبىلدىرىپ, «Rixos Chemistry» كومپانياسى ولاردى 500 ليتر انتيسەپتيك تۇرىندەگى سانيتارلىق قورعاۋ قۇرالدارىمەن جانە اۋىز سۋمەن قامتاماسىز ەتتى. مۇنداي يگى ىستەر وتە كوپ. «Nur Otan» پارتياسى قالالىق فيليالىنىڭ اتىنان ەلىمىز ءۇشىن وسىنداي قيىن كەزەڭدە كومەك قولىن سوزعان بارلىق ازاماتتارعا ۇلكەن العىسىمدى بىلدىرگىم كەلەدى. قالا تۇرعىندارىن وسىناۋ قيىن ساتتە ۇيدە قالۋعا, كارانتين رەجيمىن جانە قورعانۋ شارالارىن ساقتاۋعا شاقىرامىن, – دەيدى ستانيسلاۆ كانكۋروۆ.
سوڭعى كۇندەرى «Jas Otan» ەرىكتىلەرىنىڭ مۇقتاج جاندارعا كومەك جەتكىزۋ جونىندەگى قىزمەتى ۋاقىتشا توقتاتىلۋىنا بايلانىستى سانيتارلىق قورعانىس جيىنتىقتارى ورتالىقتاندىرىلعان تۇردە «قازپوشتا» اق ارقىلى جەتكىزىلىپ كەلگەن.
«قورعانىستىڭ بارلىق سانيتارلىق نورمالارىن ساقتاۋعا باسا نازار اۋدارىلدى. كاسىبي كۋرەرلەرمەن جەكە كەلىسىمشارتتار جاسالدى. سانيتارلىق نورمالار مەن ەرەجەلەرگە سايكەس جۇمىسقا جۇمىلدىرىلعان ازاماتتاردىڭ ءبارى ارنايى قورعانىس كوستيۋم, كوزىلدىرىك, قولعاپ جانە بەتپەردەلەرمەن قامتىلدى», دەپ اتاپ ءوتتى پارتيا وكىلى.
