قازاقستان ۇكىمەتىنىڭ باسشىسى قازاقستاننىڭ COVID-19 تارالۋىمەن كۇرەسۋ, ەكونوميكانى تۇراقتاندىرۋ, تۇرعىندار مەن بيزنەستى قولداۋ بويىنشا قابىلداپ جاتقان شارالارى تۋرالى ايتىپ بەردى. بۇل رەتتە ۇلتتىق ەكونوميكالار دەڭگەيىندە عانا ەمەس, ەۋرازيالىق ەكونوميكالىق وداق (ەاەو) اياسىندا دا داعدارىسقا قارسى شارالاردى ودان ءارى قابىلداۋ قاجەتتىگىن اتاپ ءوتتى.
پرەمەر-مينيستر اوك ونىمدەرى مەن ءبىرىنشى قاجەتتىلىكتەگى تاۋارلار يمپورتىن الماستىرۋ جانە ازىق-ت ۇلىكپەن ءوزىن-ءوزى تولىق قامتاماسىز ەتۋ ارقىلى ەاەو-نىڭ ءوزىن-ءوزى قامتۋىن كۇشەيتۋى قاجەتتىگىن اتاپ ءوتتى.
ۇكىمەت باسشىسى ەاەو-عا قاتىسۋشى ەلدەردىڭ ەكونوميكالارىنىڭ قازىرگى جانە الەۋەتتى باسەكەلى ارتىقشىلىقتارىنىڭ نەگىزىندە وندىرىستىك پروتسەستەردى وڭىرلەندىرۋدىڭ, وڭتۇستىك-شىعىس ازيا, قىتاي جانە باسقا ايماقتاردان كوشىرىلەتىن وندىرىستىك اكتيۆتەردى تارتۋ بويىنشا بىرلەسكەن تاسىلدەردى ازىرلەۋدىڭ, جاڭا وتكىزۋ نارىقتارىمەن بايلانىستى قالىپتاستىرۋدىڭ, تسيفرلىق تەحنولوگيالار مەن جاساندى زەردەنى قارقىندى تۇردە دامىتۋ ءۇشىن قولايلى جاعدايلاردى بەلسەندى قالىپتاستىرۋدىڭ ماڭىزدىلىعىن اتاپ ءوتتى.
«ەاەو ۇزاق مەرزىمدى تۇراقتىلىعى ساۋدا ۇردىستەرىنىڭ تۇراقتىلىعىنا تىكەلەي بايلانىستى. وسىعان بايلانىستى بىزگە وداق اياسىندا جاسالاتىن تاۋارلار مەن قىزمەتتەردىڭ باسىمدىعىن ەسكەرۋمەن ايماقتىق ساۋدا-ساتتىقتاعى تاسىلدەردى بىرلەسىپ قايتا قاراستىرۋ قاجەت», — دەدى ا. مامين.
پرەمەر-مينيستر ءوزارا ساۋداداعى كەدەرگىلەردى جۇيەلەۋ جانە ودان ءارى جويۋ بويىنشا بىرلەسكەن جۇمىستى كۇشەيتۋ قاجەت ەكەنىن اتاپ ءوتتى.
«قازىرگى ەكونوميكالىق داعدارىس ءبىزدىڭ ەكونوميكالارىمىز ءۇشىن سىن-تەگەۋرىن عانا ەمەس, مۇمكىندىك تە بولىپ وتىر. ەاەو اياسىنداعى بىرلەسكەن جۇمىس داعدارىس سالدارىن جۇمسارتۋعا عانا ەمەس, ەاەو اياسىندا قۇرىلاتىن باعانىڭ ۇزاقمەرزىمدى ءوسۋى مەن باسەكەگە قابىلەتتىلىگىن دامىتۋدىڭ ىرگەلى فاكتورلارىن قالىپتاستىرۋ ءۇشىن جاعدايلار جاساۋعا مۇمكىندىك بەرەدى», — دەدى ا. مامين.
سونىمەن قاتار, وتىرىسقا رەسەي فەدەراتسياسىنىڭ پرەمەر-ءمينيسترى ميحايل ميشۋستين, بەلارۋس پرەمەر-ءمينيسترى سەرگەي رۋماس, مولدوۆا پرەمەر-ءمينيسترى يون كيكۋ, قىرعىزستان پرەمەر-ءمينيسترى مۋحاممەدكالىي ابىلگازيەۆ, ارمەنيا رەسپۋبليكاسىنىڭ پرەمەر-ءمينيسترى نيكول پاشينيان جانە ەۋرازيالىق ەكونوميكالىق كوميسسيا القاسىنىڭ توراعاسى ميحايل مياسنيكوۆيچ قاتىستى.
وتىرىسقا قاتىسۋشىلار ەۋرازيالىق ەكونوميكالىق ينتەگراتسيانى دامىتۋدىڭ 2025 جىلعا دەيىنگى ستراتەگيالىق باعىتتارى جوباسىن دايىنداۋ بويىنشا جۇمىس بارىسىن, ارنايى قورعاۋ, دەمپينگكە قارسى جانە وتەمدىك شارالاردى قولدانۋ تەتىكتەرىن جەتىلدىرۋ, ەلەكتروندىق ساۋدانى دامىتۋ, ۇلتتىق اقپاراتتىق جۇيەلەردى جەدەل ينتەگراتسيالاۋ جانە باسقا دا ماسەلەلەردى قارادى.
تاراپتار ەاەو مۇشە مەملەكەتتەردىڭ اۋماعىنداعى تەز بۇزىلاتىن ونىمدەر ەكسپورتىن راسىمدەۋدى تاۋاردىڭ شىعۋىنىڭ سەريالىق سەرتيفيكاتى جۇيەسىن ەنگىزۋ ارقىلى جەڭىلدەتۋ تۋرالى كەلىسىمگە كەلدى. بۇل شارا ەاەو ەلدەرىندە تاۋارلاردىڭ شىققان جەرىن راستايتىن قۇجاتتاردى الۋعا جۇمسالاتىن ۋاقىت جانە ماتەريالدىق شىعىنداردى ازايتۋعا مۇمكىندىك بەرەدى. “سەريالىق” ءونىمنىڭ شىققان جەرى تۋرالى سەرتيفيكات بىرتەكتى, سەريامەن شىعارىلاتىن ونىمدەرگە 6 اي مەرزىمگە ءبىر رەت بەرىلە الادى.
ەۇاك وتىرىسىنىڭ قورىتىندىسى بويىنشا COVID-19 پاندەمياسى جاعدايىندا ەكونوميكالىق تۇراقتىلىقتى قامتاماسىز ەتۋ جونىندەگى ەاەو شارالارىن قوسا العاندا, بىرقاتار شەشىمدەر, تاپسىرمالار جانە وكىمدەر قابىلداندى.
قۇجات تۇرعىنداردىڭ سانيتارلىق-ەپيدەميولوگيالىق قولايلىلىعى سالاسىندا وكىلەتتى ورگانداردىڭ ءوزارا ءىس-قيمىلىن كۇشەيتۋدى, كەدەندىك تاسىمالداۋ باجدارىنىڭ مولشەرلەمەلەرىن ۋاقىتشا ەسەپتەمەۋ جانە كەدەندىك راسىمدەردى وڭايلاتۋ جولىمەن الەۋمەتتىك ماڭىزى بار تاۋارلاردىڭ يمپورتى ءۇشىن «جاسىل ءدالىز» قۇرۋدى, ءۇشىنشى ەلدەرگە اسا ماڭىزدى تاۋارلاردىڭ ەكسپورتىنا بىرىڭعاي ۋاقىتشا شەكتەۋلەر ەنگىزۋدى, ساۋدانى جانە قولما-قول اقشاسىز تولەمدەردى تسيفرلاندىرۋدى ىنتالاندىرۋدى, ۆيرۋسقا قارسى پرەپاراتتار مەن ۆاكتسينالار جاساۋ, ولاردىڭ جاپپاي ءوندىرىسىن جولعا قويۋ جونىندەگى بىرلەسكەن ءىس-شارالاردى جانە باسقا دا شارالاردى قاراستىرادى.
