«ول پوليتسيا قىزمەتكەرىنىڭ تىيىم سالىنعان اۋماققا كىرۋگە بولمايتىنى تۋرالى ەسكەرتۋىنە قۇلاق اسپاعان. اتالعان تۇرعىن ءتارتىپ ساقشىسىنىڭ زاڭدى تالابىنا باعىنباي, كوپشىلىكتىڭ كوزىنشە جاريا تۇردە, ار-نامىسىنا تيەتىن بالاعات سوزدەر ايتىپ قورلاعان جانە قىزمەتتىك مىندەتىن اتقارىپ تۇرعانىنا قاراماستان كەۋدە تۇسىنان قولىمەن ۇرىپ-سوعىپ, دەنە جاراقاتىن سالعان», دەپ حابارلادى تۇركىستان وبلىستىق پوليتسيا دەپارتامەنتى. اتالعان جايتقا قاتىستى قر قك 380-بابى بويىنشا سوتقا دەيىنگى تەرگەۋ باستالىپ, تۇرعىن قاماۋعا الىنعان.
ال ارىس قالاسىنداعى ورتالىق بازاردا كوكونىس ونىمدەرىن ساتقان ساتۋشى ءۇش تاۋلىككە قامالدى. ياعني توتەنشە جاعدايدىڭ جاريالانۋىنا بايلانىستى مەملەكەتتiك ورگان بەلگiلەگەن رەجيمدi بۇزعان ساتۋشىعا اكىمشىلىك قۇقىق بۇزۋشىلىق تۋرالى كودەكسىنىڭ 476-بابى بويىنشا حاتتاما تولتىرىلىپ, جازاعا تارتىلدى.
تۇركىستان وبلىسى
