ماسەلەن, اسكەري ينستيتۋتتىڭ ءتورتىنشى كۋرس كۋرسانتى مەيرامبەك نايسەكەنوۆ كەزەكشىلىك كەزىندە «التىن وردا» ماڭىندا وزىنە قول جۇمساعىسى كەلگەن بويجەتكەندى قۇتقارىپ قالدى. قۇرلىق اسكەرلەرى اسكەري ينستيتۋتىنىڭ ءباسپاسوز قىزمەتىنىڭ مالىمەتىنشە, جوو ءتورتىنشى كۋرس كۋرسانتى مەيرامبەك, ازاماتشانىڭ ارەكەتىن الىستان بايقاپ قالعان.
«قاراڭعىدا كوپىردەن سەكىرمەك بولعان قىزدىڭ سۇلباسىن كورگەن كۋرسانت ويلانباستان قۇتقارۋعا ۇمتىلادى. ول بويجەتكەننىڭ قولىنان ۇستاپ, كوپىردىڭ سىرتقى تىرەۋىنەن شىعارىپ, قاۋىپسىز جەرگە اپارادى. كەيىن ءوزىنىڭ قولباسشىسىنا حابار بەرىپ, قىزدى تىنىشتاندىرۋعا تىرىسقان», - دەپ مالىمدەدى ينستيتۋتتىڭ ءباسپاسوز قىزمەتى.
