الماتى قالاسى بويىنشا قورعانىس ىستەرى جونىندەگى دەپارتامەنتتىڭ باسشىسى امانتاي وسەرباەۆ ارنايى جيىنعا شاقىرىلعان ازاماتتاردىڭ جۇمىس ورىندارى تولىقتاي ساقتالاتىنىن جەتكىزدى. جۇمىس ىستەيتىن جاندارعا جۇمىسىنداعى ورتاشا جالاقى تولەنسە, جۇمىسسىزدارعا دا ەڭ تومەنگى ايلىق مولشەرىندە (42 500) ەڭبەكاقى تولەنبەك. ونىڭ سوزىنشە, الماتىدا ارناۋلى شاراعا بارۋعا ءوز ەركىمەن نيەت تانىتىپ وتىرعاندار از ەمەس. ايتالىق ءبىر اپتانىڭ ىشىندە 360 ازامات ءوتىنىم بىلدىرگەن.
– اسكەري جيىنعا تەك قىزمەتكە جارامدى ازاماتتار عانا شاقىرىلدى. ولار مەديتسينالىق كوميسسيانىڭ تەكسەرۋىنەن سۇرىنبەي وتكەن, 60 جاستان اسپاعان زاپاستاعى وفيتسەرلەر. اسكەري ەسەپكە الۋ ورىندارىندا كەزەككە تۇرىپ كوروناۆيرۋس تارالۋىنا وڭتايلى احۋال تۋدىرماۋ ءۇشىن الدىن الا جەرگىلىكتى اسكەري ەسەپكە الۋ مەكەمەلەرىنە تەلەفون ارقىلى بايلانىسۋ قاجەتتىگى تۇرعىندارعا بارىنشا ەسكەرتىلدى. تاعى ءبىر ايتا كەتەرلىگى, ارناۋلى ەرەجەگە سايكەس ءۇش بالاسى بار اسكەري مىندەتتىلەر اتالعان شاراعا شاقىرىلماعانىمەن, ولاردىڭ جۇبايلارىنىڭ نوتاريۋس ارقىلى كەلىسىمى بولعان جاعدايدا جيىنعا بارۋلارىنا بولادى, – دەيدى امانتاي وسەرباەۆ.
ءبىر اي بويى جالعاساتىن ارنايى جيىنعا اسكەري مىندەتتىلەر ءوز ۇيلەرىنەن قاتىنايدى. مەملەكەت تاراپىنان ولارعا تۇسكى جانە كەشكى اس تەگىن بەرىلەدى. دەپارتامەنت باسشىسى كەزەكتى جيىننىڭ كەلەسى كەزەڭدەرىنىڭ ۋاقىتى بەلگىسىز ەكەنىن, ونى مينيسترلىكپەن اكىمدىك بەلگىلەيتىنىن ايتتى. وسىعان دەيىن قورعانىس ءمينيسترى قازاقستاندىقتاردىڭ نەگە اسكەرگە شاقىرىلعانىن ءتۇسىندىرىپ, ولاردىڭ نەمەن اينالىساتىنىن مالىمدەگەن بولاتىن.
