تاكسي مەجەلى جەرگە توقتاعان سوڭ, ارتتا وتىرعانداردىڭ ءبىرى جۇرگىزۋشىنىڭ موينىنا ارقان سالىپ, اقشا تالاپ ەتىپ, قىلعىندىرا باستاعان. ءساتىن سالعاندا, جۇرگىزۋشى موينىنداعى قىل بۇراۋدان سىتىلىپ شىعىپ, پوليتسياعا حابارلاسىپ ۇلگەرەدى. ابدىراپ قالعان قاسكۇنەمدەر كولىكتەگى ەكى ۇيالى تەلەفون مەن رەگيستراتوردى الىپ, تايىپ تۇرعان. دەرەۋ وقيعا ورنىنا جەتكەن پوليتسيا ءپاترۋلى جابىرلەنۋشىدەن كۇدىكتىلەردىڭ ءتۇر-تۇلعاسى تۋرالى مالىمەت الىپ, بارلىق كۇزەت بەكەتتەرىنە شۇعىل اقپارات جىبەرەدى.
-حابار تۇسىسىمەن اعا لەيتەنانت جانىبەك مىرزاحمەتوۆ پەن اعا سەرجانت امانتاي بايجانوۆ قورعان كوشەسىنەن جابىرلەنۋشى سيپاتتاعان كۇدىكتىلەرگە ۇقسايتىن ەكى ادامدى ۇستادى. جۇرگىزۋشى كۇدىكتىلەردى بىردەن تانىعان. ءۇشىنشى جىگىت كەيىن ءوز پاتەرىندە ۇستالدى. ۇشەۋى دە بۇرىن سوتتالعان قوستاناي وبلىسىنىڭ تۇرعىندارى بولىپ شىقتى. جاس مولشەرلەرى 20-24 جاس شاماسىندا. قازىر سوتقا دەيىنگى تەرگەۋ ءجۇرىپ جاتىر, - دەپ حابارلادى پوليتسيا دەپارتامەنتىنىڭ ءباسپاسوز قىزمەتى.
قوستاناي وبلىسى
