كارانتين جاريالانعاننان بەرى بۇل سالادا توقىراۋدىڭ بەلگىلەرى بايقالا باستاعان. اۆتوكولىك ديلەرلەرىندە اۆتوموبيل ساتىلىمى تۋرالى ناۋرىزداعى ستاتيستيكا كەيىنىرەك جاريالاناتىن. بيپەك اۆتو - ازيا اۆتو كومپانيالار توبىنىڭ ءباسپاسوز قىزمەتى بۇگىنگى وتكەن ونلاين جيىندا جىلدىڭ ءۇشىنشى ايىندا دا ساتىلىمداردىڭ وسكەنىن كورسەتتى. ناۋرىزدا قازاقستاندا Asia Auto زاۋىتىندا قۇراستىرىلعان 2,4 مىڭ اۆتوموبيل ساتىلدى. بۇل اقپان ايىمەن سالىستىرعاندا 38 پايىزعا كوپ. ساراپشىلار, بۇل فاكتور اۆتوكولىك ساتىپ الۋعا تۇتىنۋشىلاردىڭ دايىندىقپەن كەلەتىنىن, بۇل فاكتور سونىڭ ناتيجەسى ەكەنىن ايتادى. ال ناۋرىز, ءساۋىر ايىنداعى جاعدايدىڭ ناتيجەسى الداعى مامىر ايىندا بەلگىلى بولادى. بىراق قازىردىڭ وزىندە جاعدايدىڭ قيىنداپ بارا جاتقانى سەزىلىپ قالىپتى: ناۋرىزدىڭ سوڭعى ونكۇندىگى مەن ءساۋىر ايىنىڭ العاشقى ونكۇندىگىندە كولىك ساتىپ الۋعا تاپسىرىس بەرگەندەردىڭ سانى كۇرت ازايىپ كەتكەن.
ەپيدەميولوگيالىق جاعداي, «كازاۆتوپروم» ساراپشىسىنىڭ پىكىرىنشە, اۆتوموبيل سالاسىنداعى جىل سايىنعى بولجامدارىنا وزگەرىس ەنگىزۋگە ماجبۇرلەپ وتىر. ەلىمىزدىڭ ءىرى قالالارىندا اۆتوكولىك ساتاتىن دۇكەندەردىڭ ەسىگى جابىلدى. بۇل تۇتىنۋشىلىق بەلسەندىلىكتى كۇرت تومەندەتىپ جىبەردى.
«بيپەك اۆتو – ازيا اۆتو» كومپانيالار توبى تۇسىندىرەدى: قازىرگى ۋاقىتتا «ازيا اۆتو» زاۋىتى كارانتين اياقتالعاننان كەيىن پايدا بولاتىن كەيىنگە قالدىرىلعان سۇرانىس بويىنشا جۇمىس ىستەۋدە.
«ازيا اۆتو زاۋىتى» توتەنشە جاعدايداعى قولدانىستاعى تالاپتارعا سايكەس قىزمەتكەرلەردىڭ قاۋىپسىزدىگىن قامتاماسىز ەتىپ وتىر. ء بىز شەتەلدىك سەرىكتەستەرمەن, قىزمەتكەرلەرمەن جانە تاپسىرىس بەرۋشىلەرمەن كەلىسىمشارتتىق مىندەتتەمەلەردى ورىندايمىز. بەرەشەك پەن توقتاپ قالۋ ىقتيمالدىعى شەكتەۋ شارالارى مەن مەملەكەت ەكونوميكاسىنداعى كۇيزەلىستەر دەڭگەيىنە بايلانىستى», دەپ ءتۇسىندىردى كومپانيالار توبىنىڭ ءباسپاسوز قىزمەتى.
ارتۋر ميسكارياننىڭ ايتۋىنشا, قازىرگى جاعداي اۆتوموبيل شىعارۋ كولەمىن ازايتۋعا ماجبۇرلەپ وتىر. ەگەر, جاعداي بۇلاي جالعاسا بەرسە, جۇمىسشىلاردى بوساتۋعا تۋرا كەلەدى. «ناۋرىز ايىندا 20-25% ءوسىم بولدى, الداعى وزگەرىستەردى ءالى باعالاۋ مۇمكىن ەمەس. مۇنىڭ ءبارى توتەنشە جاعدايدىڭ قانشا ۋاقىتقا سوزىلاتىندىعىنا جانە ۆاليۋتا باعامى قانداي دەڭگەيدە تۇراقتاندىرىلاتىنىنا بايلانىستى», دەپ قورىتىندىلادى «كازاۆتوپروم» وداعى ستراتەگيالىق جوسپارلاۋ جونىندەگى ديرەكتورى.
بىرنەشە كۇن بۇرىن اۆتووندىرۋشىلەر ۇكىمەتكە بۇل سالانى قولداۋ شارالارىن قابىلداۋ تۋرالى ءوتىنىش جىبەردى. ءبىرىنشىسى – شوب ءۇشىن قابىلدانعان سالىقتىق جۇكتەمەنى ازايتۋ. سالا وكىلدەرىنىڭ ايتۋىنشا, سالىق سالۋدى جىل سوڭىنا دەيىن كەيىنگە قالدىرۋ ارقىلى اۆتوكولىك سالاسىنداعى جۇمىس ورىندارىن ساقتاۋعا بولادى.
ارتۋر ميسكارياننىڭ ايتۋىنشا, جاقىن ارادا ينتەرنەت ارقىلى اۆتوموبيل ساتىلىمى قازاقستاندىق اۆتوكولىك بيزنەسىنىڭ جاڭا باعىتى پايدا بولادى.سالا وكىلدەرى مۇنى جاڭا باعىتقا بەيىمدەلۋدىڭ باسى دەپ وتىر.
