ونىڭ ىشىندە ءتيىستى گەكتارلارعا ءداندى جانە ءداندى بۇرشاقتى داقىلدار, مايلى داقىلدار, قانت قىزىلشاسى, كارتوپ, كوكونىس-باقشا داقىلدارى جانە مال ازىعى داقىلدارى ەگىلەتىن بولادى. جامبىل وبلىسى اگرارلىق ايماق بولعاندىقتان, مەملەكەت قولداۋىنىڭ ناتيجەسىندە وڭىردە جىل سايىن ەگىستىك كولەمىن ارتتىرۋعا مۇمكىندىك تۋىپ وتىر. ماسەلەن, وتكەن جىلى ەگىستىك كولەمى 687,1 گەكتاردى قۇراعان. بيىل بۇل كورسەتكىش 22,9 مىڭ گەكتارعا ارتادى دەپ جوسپارلانۋدا. سونىمەن قاتار, وڭىردە وسىمدىك شارۋاشىلىعىن ءارتاراپتاندىرۋ ماقساتىندا ءداندى داقىلدار, مايلى داقىلدار, قانت قىزىلشاسىن, كوكونىس-باقشا, كارتوپ جانە مال ازىقتىق داقىلداردىڭ دا كولەمىن ارتتىرۋ كوزدەلۋدە. نەگىزىنەن جامبىل ءوڭىرى كارتوپ ماسەلەسىندە سولتۇستىك وبلىستارعا كوبىرەك تاۋەلدى. ياعني, كارتوپ وزگە وڭىرلەردەن تاسىمالدانادى. وسىنداي قاجەتتىلىكتەردى بولدىرماۋ ءۇشىن بيىل وسىمدىك شارۋاشىلىعىن ءارتاراپتاندىرۋ قولعا الىنىپ وتىر.
ال, اۋدان اكىمدىكتەرىنىڭ بەرگەن مالىمەتتەرى بويىنشا اعىمداعى جىلدىڭ ونىمىنە جالپى كۇزدىك داقىلدار 137,4 مىڭ گەكتارعا ورنالاسقان. ونىڭ ىشىندە 136,3 مىڭ گەكتار كۇزدىك بيداي جانە 1,1 مىڭ گەكتار كۇزدىك ارپا ەگىلگەن. سونداي-اق, اقپان ايىندا الىنعان مونوليتتىك ساراپتاما جالپى 137,4 مىڭ گەكتار كۇزدىك داقىلداردىڭ 76,1 مىڭ گەكتارىنىڭ جاقسى, 51,8 مىڭ گەكتارىنىڭ قاناعاتتانارلىق جانە 9,2 مىڭ گەكتارىنىڭ ناشار شىعىپ تۇرعانى كورسەتكەن. سونىمەن قاتار, ەگىستىكتىڭ ساپاسىن ارتتىرۋ ءۇشىن تەحنيكالاردىڭ دا ساپالىلىعى ماڭىزدى. وبلىستىق اۋىل شارۋاشىلىعى باسقارماسىنىڭ باسشىسى بەرىك نىعماشەۆ كوكتەمگى ەگىس-دالا ناۋقانىنا اۋىل شارۋاشىلىعى تەحنيكالارىن دايىنداۋ جۇمىستارى بارلىق اۋدانداردا جۇمىس جوسپارلارىنا سايكەس جۇرگىزىلۋدە ەكەنىن جەتكىزدى. جالپى, وبلىس بويىنشا بيىلعى جىلى بارلىعى 8419 اۋىل شارۋاشىلىعى تەحنيكاسى تىركەلگەن ەكەن. جانە 4536 تراكتورلاردىڭ بارلىعى كوكتەمگى ەگىس دالا جۇمىستارىن جۇرگىزۋگە دايىن.
كوكتەمگى دالا جۇمىستارىنا ەل ۇكىمەتى تاراپىنان وبلىسقا 18,3 مىڭ توننا كەپىلدەندىرىلگەن ديزەل وتىنى بولىنگەن. بۇگىنگە كۇنگە وبلىس بويىنشا وپەراتورلار بەلگىلەنىپ, وپەرەتورلار تاراپىنان مۇناي وڭدەيتىن زاۋىتتارعا قاراجات اۋدارىلعان. ناتيجەسىندە وڭىردە ديزەل وتىنىن جەتكىزۋ جۇمىستارى جۇرگىزىلۋدە. ونىڭ ىشىندە 3500 توننا ديزەل ناۋرىز ايىنا, 5000 توننا ءساۋىر, 5300 توننا مامىر جانە 4500 توننا ماۋسىم ايلارىنا بولىنگەن.
سونداي-اق بۇگىنگى كۇنگە 1747 توننا ديزەل وتىنى اۋىل شارۋاشىلىعى سالاسىنىڭ تاۋار وندىرۋشىلەرىنە تاراتىلعان. بۇگىندە وڭىردە ەگىس دالا جۇمىستارىن ودان ءارى جانداندىرۋعا مەملەكەت تاراپىنان كورسەتىلىپ وتىرعان باسقا دا كومەك كوپ. ماسەلەن, ناۋرىز ايىندا وبلىس شارۋاشىلىقتارىنا ارزانداتىلعان ديزەل وتىنىنىڭ 1 ءليترى 175-177 تەڭگە كولەمىندە تاراتىلعان بولاتىن. قولداۋدىڭ ناتيجەسىندە ەلىمىزدىڭ ەنەرگەتيكا مينيسترلىگىنىڭ بيىلعى شەشىمىنە سايكەس, ديزەل وتىنىنىڭ تونناسى 174000 تەڭگەگە تومەندەگەن. وسىعان وراي, وپەراتورلار قايتالاپ مۇناي ونىمدەرىن وندىرەتىن كومپانيالارىمەن كەلىسىم شارت جاساسۋدا. سول سياقتى كۇزدەگى جازدىق داقىلدارعا سۇدىگەر ايداۋ جانە ءسۇر كوتەرۋ جۇمىستارى وبلىس بويىنشا 407,7 مىڭ گەكتارعا جوسپارلانعان. بۇگىندە 354,6 مىڭ گەكتار القاپ ناقتى ايدالعان. ونىڭ ىشىندە جازدىق ارپاعا, جازدىق بيدايعا, جۇگەرى دانگە, مايلى داقىلدارعا, كوكونىس-باقشا داقىلدارىنا جانە وزگە دە ءونىم تۇرلەرىنە ەرەكشە ءمان بەرىلگەن. بۇگىندە وڭىردەگى اۋا-رايىنىڭ قۇبىلىپ تۇرعانىنا قاراماستان, اۋىلدىقتار دا كوكتەمگى ەگىس دالا جۇمىستارىنا كىرىسىپ كەتتى. ال, شارۋالاردىڭ ەڭبەگىنىڭ ناتيجەسىن ۋاقىتتىڭ ءوزى كورسەتەدى. ەڭ باستىسى ەڭبەك ەتۋگە بارلىق مۇمكىندىك بار.
جامبىل وبلىسى
