– ەستەرىڭىزگە سالا كەتەيىك, الماتىدا كوروناۆيرۋسقا قارسى كۇرەسكە تارتىلعان مەديتسينا قىزمەتكەرلەرىنە العاشقى تولەمدەر باستالدى.
قالادا 500-دەن استام دارىگەر, 1,7 مىڭ ورتا مەديتسينا قىزمەتكەرى, 549 كىشى مەديتسينا قىزمەتكەرى جانە 764 وزگە دە دەنساۋلىق ساقتاۋ قىزمەتكەرى ءوز تولەمدەرىن الدى.
جالپى العاندا, 965 ملن تەڭگە سوماعا 3557 مەديتسينا قىزمەتكەرى ۇستەماقى الادى. ەسەپتەۋلەر 3 كۇردەلىلىك ساناتى بويىنشا جۇرگىزىلەدى:
1 ء(بىرىنشى) تاۋەكەل توبىنا COVID-19 كوروناۆيرۋسى بار پاتسيەنتتەرگە تىكەلەي مەديتسينالىق كومەك كورسەتەتىن رەانيماتسيا بولىمشەلەرى مەن باسقا دا ستاتسيونارلاردى قوسا العاندا, ينفەكتسيالىق ستاتسيونارلاردىڭ دارىگەرلەرى, ورتا جانە كىشى مەديتسينا قىزمەتكەرلەرى جاتقىزىلعان.
وسى تاۋەكەل توبىنداعى ءبىر قىزمەتكەرگە ۇستەمەاقى مولشەرى رەسپۋبليكالىق بيۋدجەت تۋرالى زاڭدا بيىلعىى قارجى جىلىنا بەلگىلەنگەن ايلىق جالاقىنىڭ جيىرما ەسەلەنگەن ەڭ تومەنگى مولشەرىنەن اسپايدى.
2 (ەكىنشى) تاۋەكەل توبىنا پروۆيزورلىق ستاتسيونارلاردىڭ دارىگەرلەرى, ورتا جانە كىشى مەديتسينا قىزمەتكەرلەرى, مەديتسينالىق جەدەل جاردەم دارىگەرلەرى مەن فەلدشەرلەرى, ونىڭ ىشىندە امبۋلاتوريالىق-ەمحانالىق ۇيىمدار, سونداي-اق دارىگەرلەر مەن سانيتارلىق اۆياتسيانىڭ ورتا مەديتسينا قىزمەتكەرلەرى تارتىلعان جاعدايدا جاتقىزىلعان.
وسى تاۋەكەل توبىنداعى ءبىر قىزمەتكەرگە ۇستەمەاقى مولشەرى رەسپۋبليكالىق بيۋدجەت تۋرالى زاڭدا بيىلعى قارجى جىلىنا بەلگىلەنگەن ايلىق جالاقىنىڭ ون ەسەلەنگەن ەڭ تومەنگى مولشەرىنەن اسپايدى.
3 ء(ۇشىنشى) تاۋەكەل توبىنا كارانتيندىك ستاتسيونارلاردىڭ دارىگەرلەرى, ورتا جانە كىشى مەديتسينا قىزمەتكەرلەرى, مەديتسينالىق جەدەل جاردەم بريگادالارىنىڭ جۇرگىزۋشىلەرى, سونداي-اق زەرتحانالاردىڭ ماماندارى, ەپيدەمياعا قارسى ءىس-شارالاردى جۇرگىزۋگە تىكەلەي قاتىساتىن سانيتاريالىق-ەپيدەميولوگيالىق قىزمەت جۇمىسكەرلەرى, ءجىتى رەسپيراتورلىق ۆيرۋستىق ينفەكتسيالارى, پنەۆمونياسى بار پاتسيەنتتەردى قابىلداۋعا جانە ەپيدەمياعا قارسى ءىس-شارالارعا بايلانىستى بيولوگيالىق ماتەريالدى الۋعا جۇمىلدىرىلعان شۇعىل ستاتسيونارلاردىڭ قابىلداۋ بولىمشەلەرىنىڭ جانە مەديتسينالىق-سانيتاريالىق العاشقى كومەك ۇيىمدارىنىڭ قىزمەتكەرلەرى, توتەنشە جاعداي جونىندەگى جەدەل شتابتىڭ جانە وبلىستار, رەسپۋبليكالىق ماڭىزى بار قالالار مەن استانا اكىمدىكتەرىنىڭ اۋماقتىق شتابتارىنىڭ مۇشەلەرى, سونداي-اق بلوك-بەكەتتەردە كارانتيندىك رەجيمدى قامتاماسىز ەتەتىن دەنساۋلىق ساقتاۋ قىزمەتكەرلەرى جاتادى, دەدى تىلەۋان ابىلداەۆ.
قالالىق بالالاردىڭ جۇقپالى اۋرۋلار اۋرۋحاناسىنىڭ مەديتسينا قىزمەتكەرلەرىنە تولەمدەر جۇرگىزۋگە كەلسەك, تولەمدەر 1 تاۋەكەل توبىنىڭ ساناتىنا سايكەس بارلىعىنا بىردەي جۇرگىزىلمەك.
الماتى
