اسىرەسە, بيىلعى كوكتەم تەكەلىلىكتەر ءۇشىن ەرەكشە ەستە قالاتىن وقيعاعا تولى بولايىن دەپ تۇر. قالاعا قوس اققۋ ۇشىپ كەلدى. تەكەلىنى قاق جارىپ اعاتىن قوس وزەن – قورا مەن شاجانىڭ توعىساتىن تۇسىنان اعىندى قاراتال وزەنى باستاۋ الادى. قوس اققۋ ءدال وسى وزەندەر تۇيىسكەن تۇسقا قونىپ, ەركىن ءجۇزىپ ءجۇر.
- ەكى وزەن توعىسىپ, قاراتالدىڭ باستاۋ الاتىن تۇسى ءبىر عاجاپ كورىنىسكە يە ەدى. وسى تۇستان كوپىر سالۋدى جوسپارلاپ جۇرگەنبىز. ونى جوباسى دا دايىن بولاتىن. كوپىرگە «ماحابات كوپىرى» دەگەن اتاۋ دا بەرىپ قويعانبىز. ال ءدال وسى تۇسقا قوس اققۋ قونىپ, سۋدا ەركىن ءجۇزىپ جۇرگەنىن قالا تۇرىعندارى جاقسى ىرىمعا جورىپ جاتىر, - دەيدى تەكەلى قالاسىنىڭ اكىمى باقتيار ونەرباەۆ.
