سۋرەتتى تۇسىرگەن ەرلان ومار, «ەQ»
ەلباسى قازاقستان – كەڭەس وداعى ىدىراعان كەزدەگى 90-جىلدارداعى قازاقستان ەمەس, دەپ ءادىل ايتتى. ءومىر – اۋقىمدى كۇش-جىگەر مەن قوماقتى قارجى جۇمسالعان جانە ەلدى بولاشاق كۇتپەگەن كۇيزەلىستەردەن قورعاۋ ءۇشىن جۇرگىزىلگەن رەفورمالاردىڭ دۇرىستىعىن دالەلدەدى. الەمنىڭ بارلىق مەملەكەتتەرى اراسىندا قازاقستان العاشقىلاردىڭ ءبىرى بولىپ پاندەميامەن كۇرەسكە قوسىلدى. الدىن الۋ ءىس-شارالارى جۇيەلى جۇرگىزىلدى. ءتيىستى مەملەكەتتىك ورگاندار ارنايى دايارلىقتان ءوتتى. شەتەلدەردە پاندەميانىڭ دامۋى مەن تارالۋ بارىسى زەرتتەلدى. ناتيجەسىندە, ءبىز ءوز مۇمكىندىكتەرىمىزبەن ونىڭ جولىنا توسقاۋىل قويا الدىق, كوروناۆيرۋس جاعدايى تاۋلىك بويى باقىلاۋعا الىندى. جاعدايدى تۇراقتاندىرۋ ءۇشىن كوپتەگەن جۇمىس اتقارىلدى جانە بۇل ءارى قاراي جالعاسۋدا. ءبىز بارلىق وسى يگى شارالارعا بۇكىلحالىقتىق جانە بارلىق جەردە قولداۋ كورسەتۋىمىز ءتيىس.
مەملەكەت باسشىسى ق.توقاەۆ, ءوزىنىڭ بارلىق ۇيىمداستىرۋشىلىق پەن ۇقىپتىلىق جانە باسقا جاقسى قاسيەتتەرىن كورسەتە وتىرىپ جاريالاعان داعدارىسقا قارسى شارالارىن جۇزەگە اسىرۋعا كىرىسۋ كەرەك ەكەندىگىن, كومەككە مۇقتاج ادامدارعا ەرەكشە قامقورلىق جاساۋ قاجەت ەكەنىن ايتتى. باسقاشا ايتقاندا, ءاربىر قازاقستاندىق ءوز ءومىرىن الەۋمەتتانۋشىلار اتاپ وتەتىندەي, داعدارىسقا قارسى رەجىمدەگى گابيتۋستى تۇزەتۋى ءتيىس. كوپ نارسە قوعامنىڭ داعدارىسقا قارسى بىرىڭعاي كوماندا بولا الاتىنىنا بايلانىستى.
ادامدارعا كەيدە كۇمان, رەنىش, نارازىلىق ساتتەرىن باستان كەشىرۋ ءتان. كەيدە ءبىز ءوز كۇشىمىزگە سەنبەيمىز, باستامالاردى كۇمانمەن, سەنىمسىزدىكپەن باعالايمىز, ءوزىمىزدىڭ تاجىريبەمىزگە سەنىمسىزدىكپەن قاراپ, ءبىر باستاعان جۇمىستى تولىققاندى ىستەمەۋگە, كوبىنەسە يميتاتسيالىق مىنەز-ق ۇلىق ۇلگىلەرىنە بەيىمبىز.
سونىمەن قاتار الەۋمەتتىك دەرەكتەرگە سايكەس قوعامنىڭ داعدارىستىق جاعدايلارىندا ەرەكشە سيپات تانىتاتىنىن كورسەتەدى – قيىندىقتاردى شىدامدىلىقپەن كوتەرە وتىرىپ, ءتۇرلى, سونىڭ ىشىندە كۇردەلى جاعدايلاردان شىعۋ جولدارىن ىزدەيدى. بۇل ساپا ساياساتتا تۇراقتىلىعىمەن, ەتنوسارالىق جانە كونفەسسياارالىق كەلىسىممەن ءاردايىم ەرەكشەلەنەتىن قازاقستانعا ءتان. بۇل – بۇگىنگى كۇردەلى جاعدايدا كورىنىس تابۋى قاجەت بولاتىن قازاقستاننىڭ نەگىزگى ارتىقشىلىقتارى.
قازاقستاندىقتار اراسىنداعى الەۋمەتتىك ءوپتيميزمنىڭ دومينانتى – بۇل ءبىزدىڭ ەلىمىزدىڭ ودان ءارى دامۋى, داعدارىس ۋاقىتىن ەڭسەرۋى ءۇشىن ماڭىزدى قۇندىلىق. بىراق كەز كەلگەن رەسۋرس رەتىندە ول تولىقتىرۋدى تالاپ ەتەدى. ەڭ اۋىر كەزەڭدەردە قادىر-قاسيەتىن جوعالتپاعان, ءاردايىم بىرلىگىمەن, مەيىرىمدىلىگىمەن, قۋانىشىمەن, قايىرىمدىلىعىمەن ەرەكشەلەنەتىن بارشا حالىققا العىس بىلدىرە وتىرىپ, قازاقستاننىڭ تۇڭعىش پرەزيدەنتى – ەلباسى وسىنداي قيىن ۋاقىتتا قازاقستاندىقتاردى قولداۋدا. قيىندىقتارعا الاڭداماي, بىرلىك پەن كەلىسىمدى ساقتايمىز دەگەن سەنىم مول. ءبىز قيىندىقتاردى مىندەتتى تۇردە جەڭەمىز, ويتكەنى ء«بىز بىرگەمىز!».
زارەما شاۋكەنوۆا,
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى
