كاپيلليارلىق قان ەكسپرەسس-تەستتەرى 15 مينۋتتىڭ ىشىندە COVID-19 كوروناۆيرۋسىنا قاتىستى IgG جانە IgM انتيدەنەلەرىنىڭ ورىن العانىن انىقتايدى. قحر-دا وندىرىلگەن تەستتەر ەۋروپا پارلامەنتى مەن ەۋروپا كەڭەسىنىڭ 98/79/ەك مەديتسينالىق دياگنوستيكا قۇرالدارى جونىندەگى ديرەكتيۆاسىنىڭ قاعيدالارىنا سايكەس جانە الماتىداعى ورتالىق رەفەرەنس-لابوراتورياسىندا تەكسەرۋدەن ءوتتى. بۇل كەيبىر ەۋروپالىق ەلدەردە حالىقتى تەكسەرۋ بارىسىندا بولعان ساپاسىز تەستتەردى قولدانۋدى بولدىرماۋ ءۇشىن قاجەتتى شارت.
ەلىمىزدىڭ دەنساۋلىق ساقتاۋ مينيسترلىگىنىڭ شەشىمى بويىنشا, تەگىن سكرينينگتىك تەستىلەۋ تاۋەكەل توبىنداعى حالىقتىڭ اراسىندا وتكىزىلەدى. بۇل ساناتقا مەديتسينالىق جۇمىسكەرلەر مەن قۇقىق قورعاۋ ورگاندارىنىڭ قىزمەتكەرلەرى, تۇماۋ سيمپتومدارى بار ادامدار, سوزىلمالى اۋرۋى بار ستاتسيونارلاردىڭ پاتسيەنتتەرى, جۇقتىرعان اداممەن بايلانىستا بولعان, نە بولماسا جۇقپا وشاعىندا تۇرىپ جاتقان, سونداي-اق اۆتوبەكەتتەر ارقىلى شەتەلدەن كەلەتىن ادامدار جاتادى. ەكسپرەسس-تەستىلەۋ مەديتسينالىق جاردەم ستانسالارىندا, ستاتسيونارلاردا, شەكارالىق تەمىر جول جانە اۆتوكولىك وتكەلدەرى مەن بلوك-بەكەتتەردە, ءموبيلدى بەكەتتەردە, جەدەل جاردەم كولەكتەرىندە جاسالادى. تەگىن تەستىلەۋگە تىركەلۋ ءۇشىن https://formcovid.eisz.kz/index.html سايتىنداعى انكەتانى تولتىرۋ قاجەت.
«اۋرۋ جۇقتىرعانداردى ەرتە انىقتاۋ ولاردىڭ دەنساۋلىعى مەن اينالاسىنداعى ادامداردىڭ دەنساۋلىعى ءۇشىن اسا ماڭىزدى. مۇنى ەپيدەميانىڭ شىرقاۋ شىڭىن باستان وتكەرگەن ەلدەردىڭ تاجىريبەسى كورسەتەدى. ۋاقتىلى قابىلدانعان شارالار ينفەكتسيانىڭ تارالۋىن شەكتەۋگە, اۋرۋعا شالدىققان ادامداردىڭ سانىن تومەندەتۋگە جانە ولىمگە اكەلىپ سوعاتىن جاعدايلاردىڭ سانىن بارىنشا ازايتۋعا مۇمكىندىك بەرەدى», دەپ اتاپ ءوتتى «بولات وتەمۇراتوۆ» قورىنىڭ ديرەكتورى مارات ايتماعامبەتوۆ.
كوروناۆيرۋستان تەكسەرۋ بويىنشا مەملەكەتتىك باعدارلاماعا قولداۋ كورسەتۋدەن باسقا, بولات وتەمۇراتوۆ «ۆەرنىي كاپيتال» كومپانيالار توبى ارقىلى تۇڭعىش پرەزيدەنت – ەلباسى نۇرسۇلتان نازارباەۆتىڭ باستاماسى بويىنشا كوروناۆيرۋستىڭ تارالۋىنا قارسى كۇرەسۋ جانە حالىقتىڭ الەۋمەتتىك وسال توپتارىنا قولداۋ كورسەتۋ ماقساتىمەن قۇرىلعان «Birgemiz» قوعامدىق قورىنا قوسىمشا 1 ميلليون اقش دوللارىن بولگەن بولاتىن.
