سونداي-اق دارىگەر-ينفەكتسيونيست تولقىناي ورداباەۆا ءوزىنىڭ جەكە پاراقشاسىندا جامبىل وبلىسى مەركى اۋداندىق ورتالىق اۋرۋحاناسىنىڭ باسشىلىعى تاراپىنان جول بەرىلگەن قۇقىق بۇزۋشىلىقتار تۋرالى پوست جازعان بولاتىن.
«وسى بويىنشا پارتيالىق باقىلاۋ كوميسسياسى تاراپىنان پارتيالىق تەكسەرۋ جۇرگىزىلىپ, ناتيجەسىندە كورسەتىلگەن فاكتىلەر راستالدى. مەركى اۋداندىق ورتالىق اۋرۋحاناسىنىڭ اكىمشىلىگى مەديتسينالىق قىزمەتكەرگە ولاردىڭ لاۋازىمدىق مىندەتتەرىنە كىرمەسە دە, وزدەرىنە ماسكا تىگۋگە ماجبۇرلەگەن. سونىمەن قاتار جۇمىستا ماسكالار مەن قورعانىس قۇرالدارى بەرىلمەيدى. وسىعان بايلانىستى اۋداندىق اۋرۋحانانىڭ باس دارىگەرىنىڭ مىندەتىن اتقارۋشى دانيار ۇسىپبەكوۆ پەن دەنساۋلىق ساقتاۋ سالاسىنا جەتەكشىلىك ەتەتىن
اۋدان اكىمىنىڭ ورىنباسارى مارات قاسىم پارتيالىق جاۋاپكەرشىلىككە تارتىلدى. اۋدان جانە وبلىستىق دەنساۋلىق ساقتاۋ باسقارماسىنىڭ باسشىلىعىنا الداعى ۋاقىتتا وسىنداي قۇقىق بۇزۋشىلىقتارعا جول بەرمەۋ جانە ءوز مىندەتتەرىن ءتيىستى دەڭگەيدە ورىنداۋ كەرەكتىگى تۋرالى ەسكەرتىلدى».
