ايماقتار • 09 ءساۋىر، 2020

قوستاناي وبلىسى 80 سانيتارلىق اۆتوكولىك ساتىپ الدى

48 رەتكورسەتىلدى

ايماقتاعى دەنساۋلىق ساقتاۋ مەكەمەلەرىنىڭ تەحنوپاركىن نىعايتۋ ماقساتىندا وبلىس بيۋدجەتىنەن بولىنگەن 475 ملن تەڭگە  قارجىعا بيىل 80 سانيتارلىق اۆتوكولىك ساتىپ الىنۋى ءتيىس. وبلىس باسشىلىعى جەرگىلىكتى ماشينا جاساۋ زاۋىتى «سارىارقااۆتوپروم» سەرىكتەستىگىنە 70،  «ازيا اۆتو» اق-نا 10 اۆتوكولىككە تاپسىرىس بەرگەن، ولاردىڭ دەنى اۋداندارعا تاراتىلادى.

وبلىس اۋرۋحانالارى ءۇشىن «سارىارقااۆتوپروم» بۇگىنگە دەيىن 39 اۆتوكولىك قۇراستىرعان، كەلىسىمشارت بويىنشا قالعان 41 كولىك ءساۋىر ايىنىڭ سوڭىنا دەيىن دايىن بولادى.

بۇگىن قوستانايدا اۋداندىق اۋرۋحانا جۇرگىزۋشىلەرى ايماق باسشىسىنىڭ قولىنان 15 سانيتارلىق اۆتوكولىكتىڭ كىلتىن الدى.

– مەديتسينالىق ۇيىمداردىڭ ماتەريالدىق-تەحنيكالىق بازاسىن جاقسارتۋ حالىققا ۋاقىتىلى جانە ساپالى كومەك كورسەتۋگە مۇمكىندىك بەرەدى. سوڭعى 3 جىل ىشىندە وبلىستىق بيۋدجەت ەسەبىنەن 783 ملن تەڭگەگە 30 سانيتارلىق اۆتوكولىك، 17 رەانيموبيل ساتىپ الىندى. مۇنىڭ سىرتىندا، مىنە، 80 سانيتارلىق اۆتوكولىككە قول جەتكىزىپ جاتىرىمىز. كولىكتەردىڭ باسىم بولىگى شالعاي اۋداندارعا جىبەرىلەدى. قازىر وبلىستا كوروناۆيرۋستىق ينفەكتسيانىڭ تارالۋىنا جول بەرمەۋ بويىنشا بەلسەندى جۇمىس اتقارىلىپ جاتىر. جەرگىلىكتى بيۋدجەتتەن مەديتسينالىق جابدىقتار، دەزينفەكتسيالىق قۇرالدار، قورعانىش كومبينەزوندارى، ماسكالار ساتىپ الۋعا 2،1 ملرد تەڭگە ءبولىندى. 60 توسەك جانىنا قويىلاتىن مونيتور، 40 وكپەگە اۋا جىبەرگىش قۇرىلعى، 20 لارينگوسكوپ، 20 دەفيبريللياتور، قان قۇرامىنداعى گازدى انىقتايتىن 2 اناليزاتور، 20 حيرۋرگيالىق سورعىش ساتىپ الۋعا كەلىسىم-شارتتار جاسالدى. سونداي-اق 11 مىڭ قورعانىش كومبينەزونى، 3،5 مىڭ قورعانىش كوزىلدىرىگى، 800 دەزينفەكتسيالاۋ قۇرالى، ماسكا ساتىپ الىندى، - دەدى ارحيمەد مۇحامبەتوۆ.

سونىمەن قاتار، وبلىسقا مەملەكەتتىك رەزەرۆ قاراجاتىنان بولىنگەن 535 ملن تەڭگەگە جەكە قورعانىش قۇرالدارى ساتىپ الىنادى.

 

قوستاناي وبلىسى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار