الەم • 09 ءساۋىر، 2020

ءۇندىستاندا كوكجيەكتەن گيمالاي كورىنە باستادى

3845 رەتكورسەتىلدى

ءۇندىستاننىڭ سولتۇستىك-باتىسىنداعى پەندجاب شتاتىندا ادامدار 100 ميلدەن استام قاشىقتىقتان گيمالايدى كورە باستادى. بۇل تۋرالى CNN اقپارات اگەنتتىگى حابارلادى.

جالاندحار قالاسىنداعى جانە ونىڭ ماڭايىنداعى ەلدى مەكەندەردىڭ حالقى  الەۋمەتتىك جەلىلەردە كوز ۇشىندا كولبەڭدەگەن گيمالايدىڭ سۋرەتتەرىن جاريالاپ، 30 جىل ىشىندە العاش رەت وسىلاي ايقىن مەنمۇندالاپ تۇرعانىن جارىسا جازىپ جاتىر.

بۇل قۇبىلىس كوروناۆيرۋس ىندەتىنە بايلانىستى ەلدە ەنگىزىلگەن كارانتيننىڭ اسەرىنەن بولىپ وتىر. حالىقتىڭ قوعامدىق ورىنداردان وقشاۋلانۋىنان سوڭعى اپتادا اۋا ساپاسىنىڭ كۇرت جاقسارعانى بايقالعان.  توتەنشە جاعداي كەزىندە ونەركاسىپ ورىندارى جۇمىسىن توقتالىپ، كوشەلەردە كولىك اعىنى تىيىلىپ، ۇشاقتاردىڭ رەيستەرى دە شەگەرىلگەن.

ۇندىستانداعى قورشاعان ورتانىڭ لاستانۋىن باقىلايتىن ورتالىق كەڭەسى دەليدە شەكتەۋلەر ەنگىزىلگەن العاشقى كۇننەن باستاپ-اق اۋانىڭ لاستانۋى 44%-عا تومەندەگەنىن انىقتاعان. ەسەپتە ەلدىڭ جالپى 85 قالاسىندا اۋانىڭ تازارا باستاعانى كورسەتىلگەن. ال گيمالايدان 100 ميلدەي قاشىقتىقتا ورنالاسقان جالاندحاردا كارانتيننىڭ 17-ءىنشى كۇنىندە اۋا ساپاسى تىپتەن جاقسارا تۇسكەن.

بۇگىنگى تاڭدا ءۇندىستاندا Covid-19 ىندەتىنە ۇشىراعان 6 مىڭعا جۋىق جاعداي انىقتالىپ، 178 ادام قازا تاپقان.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار