اماندىق پەن ساۋلىقتىڭ قادىرى جىرلاناتىن ءان قىرعىز تىلىندە شىرقالادى. ونەرى قىرعىز-قازاققا ورتاق ءداستۇرلى ءان ونەرى وكىلىنىڭ رەپەرتۋارىنداعى قازاق اقىندارى سوزىنە جازىلعان اندەرى ءبىر بۇل ەمەس, ول العاش ەسكەندىر حاسانعاليەۆتىڭ «الاتاۋ» ءانىن 16 جاسىندا ەسترادالىق ءانسامبلدىڭ سۇيەمەلدەۋىمەن ورىنداعان. سونداي-اق «اۋىلىم ءانىم», «ادەمى-اۋ», ء«ومىر-وزەن», «گۇلدەرايىم», «ساعىندىم الماتىمدى», «اگۋگاي», ء«ومىردىڭ كوبى كەتىپ ازى قالدى», ء«بىر اۋىز ءسوز», «قوشتاسقىم كەلمەيدى», «جاس جۇبايلار» سياقتى تالاي اندەردى جاڭاشا ناقىشتا قۇلپىرتىپ, جۇرتشىلىق سۇيىسپەنشىلىگىنە يە بولعان مايتالمان ءانشى. اقپارات قۇرالدارىنىڭ دەرەگى بويىنشا, ەڭ العاشقى ديسكىسى 1995 جىلى جاپونيادا «Song of Kyrghyzstan» دەگەن اتپەن, ال 2001 جىلى اقش-تا «The Voice of Kyrghyzstan» اتتى جاڭا ءۇنتاسپاسى جارىق كورگەن.
الەمدىك دەڭگەيدەگى مۋزىكاتانۋشىلاردىڭ قاراپايىم اۋەندى سازدى دا عاجايىپ ورنەككە اينالدىرا الاتىن شىن مانىندەگى تالانت يەسىن بيللي حوليدەي, سەندي دەنني, ارەتا فرانكلين, ەديت پياف... سىندى تانىمال تۇلعالار قاتارىنا جاتقىزاتىنى قىرعىز انشىسىنە بەرىلگەن شىنايى باعا دەۋگە تولىق نەگىز بار.
