فوتو: قورعانىس مينيسترلىگى
الماتى قالاسىندا وتكەن كەزەكتى وقۋ-جاتتىعۋ جيىندارىنا الماتى, قوناەۆ جانە جەتىسۋ گارنيزوندارىنان كەلگەن 35 اسكەري قىزمەتشى قاتىستى. ءبىر اپتالىق كۋرس قورعانىس مينيسترلىگى اسكەري مەديتسينا ورتالىعىنىڭ تاجىريبەلى نۇسقاۋشىلارىنىڭ باسشىلىعىمەن ۇيىمداستىرىلدى.
باس رەداكتورلار كلۋبى مەن قورعانىس مينيسترلىگى ىنتىماقتاستىق مەموراندۋمىن جاسادى
تاكتيكالىق مەديتسيناعا باسىمدىق
وقۋ باعدارلاماسى تاكتيكالىق مەديتسينا بويىنشا تەوريالىق جانە پراكتيكالىق ساباقتاردى قامتىدى. قاتىسۋشىلار جارالانعان ادامنىڭ جاعدايىن جەدەل باعالاۋ, قان كەتۋدى توقتاتۋ, پوستگەمورراگيالىق شوك كەزىندەگى ءىس-قيمىل, تىنىس الۋ جولدارىنىڭ وتكىزگىشتىگىن قالپىنا كەلتىرۋ جانە جۇرەك-وكپە رەانيماتسياسىنىڭ نەگىزگى تاسىلدەرىن مەڭگەردى.
پراكتيكالىق ساباقتار ارنايى جابدىقتالعان جاتتىعۋ الاڭدارىندا ءوتتى. اسكەري قىزمەتشىلەر مەديتسينالىق قۇرالداردى پايدالانا وتىرىپ, وزىنە جانە وزگەگە كومەك كورسەتۋ داعدىلارىن پىسىقتادى. وقۋ قورىتىندىسىندا بارلىق قاتىسۋشى ەمتيحان تاپسىرىپ, ءتيىستى سەرتيفيكاتتارعا يە بولدى.
ەلىمىزدىڭ قورعانىس سالاسىندا قانداي تسيفرلىق شەشىمدەر ەنگىزىلگەن؟
العاشقى مينۋتتاردىڭ ماڭىزى
دەسانتتىق-شابۋىلداۋ اسكەرلەرى قولباسشىسى باسقارماسىنىڭ مەديتسينا قىزمەتىنىڭ باستىعى, مەديتسينا قىزمەتىنىڭ پودپولكوۆنيگى يلزات مۋساەۆ پارامەديكتەردىڭ ءرولىن ەرەكشە اتاپ ءوتتى.
«جاراقات العان كەزدە بولاتىن ءولىم-ءجىتىمنىڭ باسىم بولىگى العاشقى ون مينۋتتا بولادى. سوندىقتان اسكەري قىزمەتشىنىڭ جانىندا دايىندالعان پارامەديكتىڭ بولۋى شەشۋشى مانگە يە», دەدى ول.
اسكەري پارامەديكتەردى دايارلاۋ دەسانتتىق-شابۋىلداۋ اسكەرلەرىنىڭ مەديتسينالىق قامتاماسىز ەتۋ جۇيەسىندەگى نەگىزگى باعىتتاردىڭ ءبىرى. بۇل جۇمىس جەكە قۇرامنىڭ ءومىرى مەن دەنساۋلىعىن ساقتاۋعا تىكەلەي باعىتتالعان. ايتا كەتەيىك, 2023 جىلدان بەرى اتالعان اسكەر تۇرىندە 300-دەن استام پارامەديك دايارلانعان.
