وسىعان وراي, 2026 جىلعى 2 ماۋسىمنان باستاپ قازاقستاندىق Air Astana اۋە كومپانياسى قىتايعا جاڭا اۋە باعىتىن – استانا – گۋانچجوۋ مارشرۋتىن ىسكە قوسۋدى جوسپارلاپ وتىر. رەيستەر اپتاسىنا ەكى رەت Airbus A321LR اۋە كەمەلەرىمەن ورىندالادى.
«جاڭا اۋە قاتىناسىنىڭ اشىلۋى قازاقستان مەن قىتاي اراسىنداعى ساۋدا-ەكونوميكالىق, ىسكەرلىك جانە تۋريستىك بايلانىستاردى نىعايتۋعا مۇمكىندىك بەرەدى دەپ كۇتىلىپ جاتىر», دەلىنگەن حابارلامادا.
ايتا كەتەيىك, بۇعان دەيىن وسكەمەن جانە ءۇرىمشى قالالارى اراسىندا اۋە رەيسى اشىلۋى مۇمكىن ەكەندىگىن حابارلاعان ەدىك.
