ونىڭ ايتۋىنشا, الماتى وبلىسى – حالىق تىعىز قونىستانعان, تسيفرلىق سەرۆيستەر بەلسەندى ىسكە قوسىلعان وڭىرلەردىڭ ءبىرى. سوندىقتان ۇلتتىق ەكونوميكانىڭ ءوسۋ درايۆەرىنە اينالۋى ءتيىس «Alatau City» جوباسى ءدال وسى وڭىردە قولعا الىنىپ جاتىر.
«بۇگىندە ازاماتتاردىڭ قاۋىپسىزدىگى ماسەلەسى قالىپتاسقان ۇعىمدار شەڭبەرىنەن شىعىپ, تسيفرلىق تەحنولوگيالار دەڭگەيىنە دەيىن كوتەرىلگەنىن كورىپ وتىرمىز. تسيفرلىق تەحنولوگيا قوعامنىڭ بارلىق سالاسىنا ارالاسىپ, كۇندەلىكتى ادام ءومىرىنىڭ اجىراماس بولىگىنە اينالدى. ال جاڭا كونستيتۋتسيا جوباسىندا ازاماتتاردىڭ تسيفرلىق سالاداعى قۇقىعىن قورعاۋ مىندەتى قاراستىرىلعانى – بۇگىنگى كۇن تالابى ەكەنى داۋسىز», دەدى قۋات بايعوجاەۆ.
جاڭا كونستيتۋتسيادا وتپەلى كەزەڭنىڭ بارلىق راسىمدەرى ناقتى جازىلادى
ءوز سوزىندە سپيكەر ازاماتتاردىڭ ءوزارا حات-حابار الماسۋ قاۋىپسىزدىگى, ەلەكتروندى كوممۋنيكاتسيا, دەربەس دەرەكتەردىڭ قورعالۋى سىندى ماسەلەلەردىڭ قامتىلۋى جەكە ءومىر قۇپياسىنىڭ كەپىلدىگىن نىعايتىپ جانە تسيفرلىق سەرۆيستەرگە دەگەن سەنىمدى كۇشەيتەتىنىن جەتكىزدى.
«ولاردىڭ كونستيتۋتسيالىق دەڭگەيدە بەكىتىلۋى تسيفرلىق قاۋىپسىزدىك سالاسىنداعى زاڭنامانى ءارى قاراي دامىتۋ تاجىريبەسىنە بەرىك نەگىز بولا الادى. ۇسىنىلىپ وتىرعان وزگەرىستەر ازاماتتار ءۇشىن ناقتى ماسەلەلەردەن كورىنىس تابۋى قاراپايىم ازاماتتاردىڭ كۇندەلىكتى ومىردە الاڭسىز بولىپ, قوعامنىڭ مەملەكەتتىك ينستيتۋتتارعا دەگەن سەنىمىن كۇشەيتۋگە اسەر ەتەدى», دەدى ول.
ءسوز سوڭىندا كوميسسيا مۇشەسى كونستيتۋتسيا جوباسى جەتكىلىكتى پىسىقتالعانىن جانە ونى بۇكىلحالىقتىق رەفەرەندۋمعا شىعارۋعا بولاتىنىن ايتتى.
«سوت شەشىمىمەن عانا»: تۇرعىن ءۇي قۇقىعىنا كەپىلدىكتى كونستيتۋتسيالىق دەڭگەيدە كۇشەيتۋ ۇسىنىلدى
